Azərbaycan, Gürcüstan və Ukrayna Transxəzər marşrutu üzrə yükdaşımaları barədə razılığa gəliblər

  Bakıda Azərbaycan, Qazaxıstan, Gürcüstan və Ukrayna nümayəndələri Transxəzər Nəqliyyat Marşrutu üzrə yükdaşımalar üçün rəqabətqabiliyyətli güzəştli tariflərin müəyyənləşdirilməsi haqqında imzalanmış protokol imzalayıblar.  Bu barədə Ukrayna dəniz limanları admnistrsyasının məlumatında deyilir.

Protokolu Azərbaycan Dəmir Yolları QSC-nin rəhbəri Cavid Qurbanov, Qazaxıstan Dəmir Yollarının rəhbəri Əsgər Mamin, Gürcüstan Dəmir Yollarının rəhbəri Mamuka Baxtadze və Ukrayna Dəmir Yolları SC İdarə Heyəti sədri vəzifəsini icra edən Aleksandr Zavqorodni imzalayıblar.

C.Qurbanovun sözlərinə görə, Transxəzər Beynəlxalq Nəqliyyat Marşrutu üzrə yükdaşımalar üçün vahid tarif siyasəti fevralın ortalarında dörd ölkə tərəfindən razılaşdırılacaq.

Ukrayna bu marşruta qoşulmaq imkanlarını çoxdan öyrənib. Yanvarın 15-də İliç limanından (Odessa vilayəti) Ukrayna-Gürcüstan-Azərbaycan-Qazaxıstan-Çin marşrutu üzrə ilk sınaq konteyner yola düşüb.

2015-ci ilin noyabrında Kiyevdə Transxəzər Beynəlxalq Nəqliyyat Marşrutuna qoşulmaq imkanlarının öyrənildiyi bildirilib. O zaman bu dəhlizin imkanlarının təqdimatı keçirilib.

Avropa-Ukrayna-Gürcüstan-Azərbaycan-Qazaxıstan-Çin ( Qara və Xəzər dənizləri vasitəsilə) və geriyə marşrut Ukraynanın Qazaxıstanla birlikdə “İpək yolunun iqtisadi zonası” layihəsinin reallaşmasında iştirakına xidmət edəcək.

Xatırladaq ki, yanvarın 1-dən Rusiya Ukrayna mallarının öz ərazisindən tranzitinə qadağa qoyub.-02D-