Azərbaycan hökumətinin müəssisələri özəlləşdirməyə çıxara biləcəyi potensial sahələr elektrik enerjisi, kommunal xidmətlər, inşaat, dəniz nəqliyyatı, telekommunikasiya sahələridir. Bu fikri Turan agentliyi ilə söhbətində ReAl hərəkatının icraçı katibi, iqtisadçı Natiq Cəfərli bildirib.
Prezident İlham Əliyevin dövlət mülkiyyətinin özəlləşdirilməsi planları haqqında bugünki bəyanatını şərh edən Cəfərli qeyd edib ki, hökumət bütün səhmlər paketi dövlətə məxsus olan səhmdar cəmiyyətləri - "Azərenerji", "Azərişıq" (enerji paylaşdırma şirkəti), "Azərsu" (Su paylaşdırma şirkəti), "Xəzər Dəniz Gəmiçiliyi" və s.ni özəlləşdirməyə çıxara bilər. Bundan başqa, avtomobil yollarını tikən və təmir edən "Azərkörpü" və "Azəryolservis" kimi şirkətlər də özəlləşdirilə bilər. Bakıdan başqa bütün ölkədə stasionar telefon şəbəkəsini idarə edən "Aztelekom" istehsalat birliyi də investorlar üçün maraq kəsb edə bilər. Bundan başqa, "Aztelekom" Internet xidmətləri bazarının böyük hissəsinə nəzarət edir.
Lakin Cəfərli ölkədə müstəqil məhkəmə sisteminin, fəal vətəndaş cəmiyyətinin və azad medianın olmadığını, habelə korrupsiya olduğunu nəzərə alaraq, ciddi xarici investorların Azərbaycanda özəlləşdirməyə maraq göstərəcəyinə şübhə edir.
Sözügedən amillər olmadan Azərbaycanda investisiyaların itirilməsi riski çox böyükdür və çoxları Bakıda enerji şəbəkəsinə böyük investisiya yatırdıqdan sonra ölkədən qovulan Türkiyənin Barmek şirkətinin acınacaqlı taleyini xatırlayır.
SOCAR Dövlət Neft şirkətinə və Azal aviasiya şirkətinə gəlincə, ekspert hakimiyyətin bu gəlirli strukturları özəl əllərə verəcəyindən şübhə edir. -06D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz