Azərbaycanda 141 struktur təbii inhisar subyekti kimi təsdiq edilib

Nazirlər Kabineti təbii inhisar subyektlərinin siyahısını təsdiq edib. Siyahıya 8 özəl struktur daxil edilib. 

Neft və qazın nəqli və bölgüsü üzrə ARDNŞ-nin 4 strukturu, həmçinin Bakı-Tbilisi-Ceyhan boru kəməri şirkətinin nümayəndəliyi, South Caucasus Pipenine və AMOC təbii inhisar qəbul edilib. 

Elektrik enerjisinin ötürülməsi və paylanması xidmətləri üzrə “AzərEnerji” və onun 10 regional strukturu təbii inhisar subyekti qəbul edilib. 

Aeroport xidmətləri, aeroportların uçuş zolaqları və qurğularının istismarı, hava gəmilərinə aviasiya və aeronaviqasiya xidmətləri üzrə "Azərbaycan Hava Yolları" Qapalı Səhmdar Cəmiyyəti, Naxçıvan Beynəlxalq Hava Limanı, 

“Silk Way Holding” (“Ground Handling Company”, “Silkway Business Aviation” və “VIP Aviasiya Xidmətləri” qəbul olunub. Rabitə xidmətində Rabitə və İnformasiya Texnologiyaları Nazirliyinin 8 strukturu, eləcə də Bakı Teleqrafi” ASC, “Ultel” MMC, “AzEvroTel” və "Caspian American Telecommunications LLC" göstərilir. 

“Azərsu” və onun 6 regional müəssisəsi su təchizatı və kanalizasiya xidmətiləri üzrə inhisarçı sayılıb.

“Azəristiliktəchizat”istilik təchizatı, Bakı Metropoliteni metronun istismarı, Bakı Beynəlxalq Dəniz Ticarət Limanı su liman xidməti, “Azərbaycan Dəmir Yolları” beynəlxalq və yerli dəmir yolu xətlərinin istismarı üzrə təbii inhisardır. 

Qalan 95 təbii inhisar “Meliorasiya və Su Təsərrüfatı” və onun meliorasiya və irriqasiya sahələrinə aid olan su anbarları, kanallar, kollektorlar, boru kəmərləri və bəndlərin istismarı idarələridir. 

Hökumətin qərarı 19 iyulda qəbul edilib, 30 iyulda hökumətin saytına yerləşdirilib. 08D