Azərbaycan elektron ticarətin inkişafına görə MDB-də ən pis yerlərdən birini tutur. Azərbaycanda elektron ticarəti Belarus, Qazaxıstan, Ukrayna və Rusiya ilə müqayisə edəndə bu nəticəyə gəlmək olar.
Dövlətstatkoma görə, 2013-cü ildə pərakəndə eletron kommersiya həcmi 2,6 mln manat olub. Eyni əhaliyə (9,4 mln) malik Belarusda elektron ticarət həcmi $300 mln olub. Bu, Azərbaycandakından yüz dəfə çoxdur. Qazaxıstanda bu göstərici $600 mln, Ukraynada $2 mlrd, Rusiyada $15 mlrd-dır.
Rəsmi statistikaya görə, Azərbaycanda interntə giriş səviyyəsi 70%dir və bu göstərici üzrə MDB-də liderdir. Beynəlxalq telekommunikasiya İttifaqının araşdırmasına görə, Azərbaycan MDB-də fərdi internet istifadəçisi və genişzolaqlı internetə girişə görə liderdir.
Azərbaycanda ixtisaslaşmış internet mağazaları 2000-ci illərin əvvəlindən peyda olub, o cümlədən bestshop.az, topshops.az, giftshop.az, parfumshop.az, place.az, yarmarka.az, paxlava.com, bakushop.net. Bunlar məişət, elektron texnika, zərgərlik məmulatı, mebel, qida məhsulları, kosmetika və s satır. Yerli İnternet mağazaların analizi göstərir ki, elektron ticarətə bir sıra əngəlləri aşkarlayıb. Yeni mallar, qiymət və s. haqda məlumatlar daim yenilənmir. Çatdırma infrastrukturu inkişaf etməyib, ona görə bahalıq var. Malın qaytarılması da bir problemdir. İnternet mağazaların çoxunda mal geri qəbul edilmir. Bundan başqa, mallar kreditlə verilmir. 2013-ci ildə istehlak kreditləşməsinin 40% artdığını nəzərə alanda bu amilin qiyməti aydın olur.
İnternet Forumun prezidenti Osman Gündüzə görə, elektron ticarətin inkişafı üçün ilk növbədə sahibkarlar vergi güzəşti ilə maraqlandırılmalıdır. Çatdırma üzrə xüsusi şirkətlərə də ehtiyac var. Digər vacib amil genişzolaqlı İnternetin regionlarda yayılmasıdır.
Bu gün ölkədə elektron ticarət "Elektron ticarət haqqında" qanunla tənzimlənir.
Elektron ticarətə dövlət dəstəyi kimi elektron kommersiya portalı www.b2b.az yaradılıb.
İnternetlə ilk satış 1995-ci ildə olub. Məhz o vaxt Amazon mağazası açılıb. --15B--
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz