Azərbaycanda özəl sektorun mühərriki - kiçik müəssisələr

Dövlət Statistika Komitəsinin məlumatına görə, 2014-cü ilin oktyabrın 1-ə olan vəziyyətə görə təsərrüfat subyektlərində kiçik müəssisələrinin xüsusi çəkisi 80,5% olub. Dövlət sosial və inzibati müəssisləri, həmçinin 1600 bələdiyyə nəzərə alınmadan bu göstərici daha yüksək olardı.

Dövlət Statistika Komitəsinin məlumatına görə, bu ilin doqquz ayı ərzində ölkədə 6700 yeni müəssisə və təşkilat qeydiyyata alınıb, bunlardan 1219-u dövlət sektoruna aiddir.

Beləliklə, Azərbaycanda təsərrüfat subyektlərinin ümumi sayı 92 226 vahiddir. Göstərilən müddətdə 410 müəssisə və təşkilat ləğv edilib, bunların 10%-i dövlət tabeçiliyində idi.

Qeyd edək ki, kommersiya hüquqi şəxslərin dövlət qeydiyyatının təhlili göstərirdi ki, yaradılan şirkətlərin çoxu dövlət büdcəsi vəsaitlərinin yuyulmasına dair korrupsiya sxemlərinin iştirakçısı olur.

Turan İA-nin araşdırması nəticəsində bəlli oldu ki, eyni adamlar tərəfindən ölkənin müxtəlif yerlərində yüzlərlə şirkət yaradılır. Bu şirkətlər növbəti mərhələdə formal tender proseduları yolu ilə büdcə vəsaitlərinin mənimsənilməsində iştirak edir.

Rəsmi statistikaya qayıdaraq qeyd etmək lazımdır ki, özəl sektora 80,4 min şirkət, həmçinin qeyri-hökumət və qeyri-kommersiya təşkilatları aiddir. İlin əvvəlindən 100% xarici kapitalla 388 şirkət və 101 birgə müəssisə təsis edilib, həmçinin müvafiq olaraq 36 və 6 müəssisə ləğv edilib. Kapitalında xarici ölkə vətəndaşlarının iştirak etdiyi 6997 şirkətdən 31,2%-i Türkiyə, 8,6%-i Britaniya, 6,5%-i Rusiya, 5,3%-i İran, 3,7%-i ABŞ kapitalının cəlb edilməsi ilə yaradılıb.

Hökumətin meyarlarına əsasən, kiçik müəssisələrə fəaliyyət sahəsindən asılı olaraq 10-dan 50-ə qədər işçisi olan və illik dövriyyəsi 250 mindən 1 mln manata qədər olan subyektlər aiddir. 08B