Azərbaycanın 32.6 ton qızılının olduğu bildirilir?

Hesabat hər ilin ortalarında açıqlanır, orda ümumdünya qızıl bazarında baş verən gəlişmələr, tendensiyalar əksini tapır. Bundan başqa, World Gold Council hər ilin sonunda dünya ölkələrinin qızıl ehtiyatları ilə bağlı statistik bilgiləri də paylaşır.

Sənəd ölkələrin mərkəzi banklarının Beynəlxlaq Valyuta Fonduna təqdim etdiyi bilgilərə əsaslanır. WGC həmçinin onu da qeyd edir ki, ölkələrin qızıl ehtiyatı ilə bağlı sıralamaya gərəkli bilgiləri təqdim etməyən ölkələrin adları daxil edilməyib.

Son hesabata görə, Azərbaycan Mərkəzi Bankının qızıl ehtiyatlarında 2016-cı ilin sentyabr ayından başlayaraq, 2017-ci ilin fevralınadək azalma müşahidə olunub. Sənəddə MB-nin qızıl ehtiyatlarının həcminin sıfıra düşdüyü görünür. Qeyd edək ki, hesabatdakı bilgilər iyun ayının sonunadək olan dövrü əhatə edir.

WGC-in bilgilərinə görə, Azərbaycan Mərkəzi Bankının qızıl ehtiyatları 2016-cı ilin sentyabrında 1, oktyabrında 4,2, noyabrında 3, dekabrında isə ton azlıb.

Azalma 2017-ci ilin əvvəlində davam edib. Azalma yanvarda 2, fevralda isə 18 ton təşkil edib.

Bundan əvvəl Azərbaycan Mərkəzi Bankının qızıl ehtiyatları ilə bağlı bilgi 2017-ci ilin əvvəlində açıqlanmışdı. Yanvarda Beynəlxlaq Valyuta Fondunun hesabatında AMB-nin qızıl ehtiyatının 21.9 ton olduğu bildirilirdi. Azərbaycan bu sıralamada 60-cı idi.

WGC-nin bəzən Azərbaycanın bütün qızıl ehtiyatlarını satması kimi şərh olunan hesabatını Mərkəzi Bank şərh etməyib.

Neft Fondu: Qızıl Mərkəzi Bankdan fondun xəzinəsinə daşınıb

Ancaq Dövlət Neft Fondu hesabatın açıqlanmasından bir gün sonra qorumun qızıl ehtiyalatı barədə açıqlama verib. Həmin açıqlamada söhbət ARNDF-nin investisiya portfelinə daxil olan qızıl ehtiyatlarından gedir.

Fond bildirir ki, investisiya portfelinə daxil olan qızıl əvvəlcə Mərkəzi Bankda saxlanılıb. Mrhələlərlə həmin qızılllar ARDNF-nin inzibati binasındakı xəzinəyə daşınıb. Daşınma prosesi 2017-ci ildə də davam edib və tam başa çatdırılıb.

Fondun məlumatına görə, Mərkəzi Bandan ARDNF-nin inzibati binasındakı xəzinəyə daşınmış qızılın miqdarı 30 ton 175 kiloqram (970 146 troya unsiyası) təşkil edir. Bu il investisiya portfelinə daxil olan qızılın miqdarında hansısa dəyişiklik baş verməyib.

ARDNF-dən əvvəl Azərbaycanın qızıl ehtiyatları barədə sonuncu rəsmi bilgi ötən ay, iyulun 27-də Maliyyə Nazirliyi tərəfindən açıqlanıb. Nazirliyin açıqlamasında Gədəbəy qızıl filiz yatağından hasil edilmiş əmtəəlik qızılın İsveçrədə saflaşdırılıb Mərkəzi Banka yerləşdirilməsindən bəhs edilir.

Azərbaycanın nəq dərə qızılı var?

Nazirlik bildirib ki, 362,6 kiloqram miqdarında saflaşdırılmış qızıl partiyası iyulun 27-də qurumun Qiymətli Metallara və Qiymətli Daşlara Nəzarət Dövlət Xidməti tərəfindən qəbul edilərək, Mərkəzi Banka yerləşdirilib.

Maliyyə Nazirliyi Mərkəzi Bankda saxlancda olan hökumətə məxsus qızılın miqdarının 1891,7 kiloqram olduğunu qeyd edib.

ARDNF və Maliyyə Nazirliyinin bilgilərinə görə, Azərbaycanın sahib olduğu birgə qızıl ehtiyatı 32 ton 66,7 kiloqramdır.

Ən çox qızıla ABŞ sahibdir

Dünya ölkələrinin qızıl ehtiyatının həcminə gəlincə, World Gold Council-ın hesabatına görə, ən çox qızıla ABŞ sahibdir. Onların 8133 ton qızılı var. ABŞ-ın qızıl ehtiyatlarında son yarımildə dəyişiklik olmayıb.

Sıralamada ikinci olan Almaniya 3374 ton qızıl ehtiyatına sahibdir.

Sonrakı pillələrdəki İtaliyanın 2451, Fransanın 2435, Çinin isə 1847 ton qızılı var. Bu ölkələrin qızıl ehtiyatının həcmində son 6 ayda ciddi dəyişiklik olmayıb.

6-cı sıradakı Rusiyanın 1715 ton qızılı var. Rusiya son yarımildə qızıl ehtiyatını 100 ton artırıb.

Azərbaycana yaxın ölkələrdən Türkiyənin 456, Qazaxıstanın 279, Belorusun 43, Ukraynanınsa 25 ton qızıl ehtiyatı var.

Azərbaycan kimi Gürcüstan və Ermənistanın da adı qızıl ehtiyatların həcmi ilə bağlı siyahıya daxil edilməyib.