www.economy.gov.az
Azərbaycanın ÜTT-yə üzvlüyü müzakirə olunub
Bak/28.06.18/Turan: "Son zamanlarda Azərbaycanın Ümumdünya Ticarət Təşkilatına (ÜTT) üzv olması prosesi ilə əlaqədar 20 normativ-hüquqi akt qəbul olunub".
İqtisadiyyat naziri Şahin Mustafayev Azərbaycanın ÜTT-yə üzv olması prosesi ilə bağlı Azərbaycan üzrə İşçi Qrupun rəhbəri Valter Vernerlə görüşündə belə deyib.
İqtisadiyyat Nazirliyinin mətbuat xidmətinin məlumatına görə, görüşdə Azərbaycan-ÜTT əlaqələrinin durumu müzakirə mövzusu olub.
Azərbaycan qanunvericiliyinin ÜTT tələblərinə uyğunlaşdırılması istiqamətində işlərin davam etdirildiyini bildirən Ş.Mustafayev maarifləndirmə tədbirlərinin əhəmiyyətini xüsusi vurğulayıb.
Görüşdə ÜTT-yə üzvlük danışıqların gedişinin, perspektivlərinin diqqət mərkəzində olduğu bildirilir.
Azərbaycanın ÜTT-yə üzvlüyü ilə bağlı bir neçə il əvvəl "Qanunvericiliyin Ümumdünya Ticarət Təşkilatının tələblərinə uyğunlaşdırılması üzrə Tədbirlər Planı" təsdiq edilib.
Azərbaycanın ÜTT-yə üzv olması prosesi ilə bağlı Azərbaycan üzrə İşçi Qrupu həmin planın icrasını nəzarətdə saxlayır.
Azərbaycan ÜTT ilə danışıqlara hələ 1997-ci ildə başlayıb. Artıq Azərbaycanın bir çox qonşulara bu quruma daxil olub.
Rəsmilər danışıqların uzanmasını Azərbaycan qanunvericiliyinin bu qurumun tələblərinə tədricən uyğunlaşdırılması ilə izah edirlər.
Ancaq müstəqil ekspertlər deyir ki, gerçəkdə Azərbaycan bu quruma üzvilikdə maraqlı deyil. Çünki Ümumdünya Ticarət Təşkilatı gömrükdə korrupsiya ilə ciddi mübarizə və islahatlar tələb edir. Həmin ekspertlərin fikrincə, Azərbaycan hökuməti, hələ ki, bu islahatlara hazır deyil.
Hərçənd, rəsmilər ölkədə islahatların dərinləşdirildiyini və korrupsiya ilə ciddi mübarizənin aparıldığını vurğulayırlar.
Xarici işlər nazirinin müavini Mahmud Məmmədquliyev bir neçə ay əvvəl demişdi ki, Azərbaycanın ÜTT-yə daxil olması məsələsi aktualdır. "Amma inanmıram ki, bu, bir-iki il ərzində mümkün olsun", o, vurğulamışdı.--0--
İqtisadiyyat
-
AİB-in Mərkəzi və Qərbi Asiya üzrə baş direktoru Yevgeni Jukovun sözlərinə görə, Asiya İnkişaf Bankı (AİB) dekarbonizasiya və infrastrukturun modernləşdirilməsinə xüsusi diqqət yetirməklə, Azərbaycanın nəqliyyat sektorunda iştirakını genişləndirməyə hazırdır.
-
Azərbaycanın milli aviadaşıyıcısı olan “Azərbaycan Hava Yolları” (AZAL) hazırda dünyanın 60 istiqamətini əhatə edən yay uçuş proqramını xeyli genişləndirib. Bu əlamətdar hadisə aviaşirkətin strateji inkişaf təşəbbüslərini əks etdirən əvvəlki illərlə müqayisədə nəzərəçarpacaq artımı göstərir.
-
Bu ilin aprel ayında Bakı Metropoliteni 20,51 milyon sərnişin daşıyıb. Bu, ötən ilin müvafiq dövrü ilə müqayisədə 7,6% çoxdur. Ayın 20 iş günü ərzində xidmətdən 15,69 milyondan çox sərnişin istifadə edib ki, bu da orta hesabla gündəlik 784 573 reys, ən işlək gündə isə 810 689 sərnişin təşkil edib.
-
Azərbaycan Mərkəzi Bankı (AMB) maliyyə sektorunda yeni tendensiyaları müzakirə etmək üçün yerli bank rəhbərləri ilə əsas iclas keçirib. Mərkəzi Bankın sədri Taleh Kazımov “X” sosial platformasında bu ilin birinci rübünün yekunlarına həsr olunmuş bu görüş barədə danışıb. Birinci rübün yekunlarına baxışın keçirildiyi müzakirələrdə makroiqtisadi amillərə və banklararası bazardakı tendensiyalara da toxunulub. Kazımovun məlumatı bununla bitir.
Rəy yaz