Dövlətlərin dollarla aktivlərinin və öhdəliklərinin statistikası onların ABŞ valyutasına ehtiyacını əks etdirir, deyə iqtisadçı Fariz Hüseynli hesab edir.
Turan-ın məlumatına görə, o, Facebook səhifəsində yazıb ki, bir sıra ölkələrin liderlərinin bəyanatı yox, statistika vacibdir.
«Bank for international settlements»in statistikasını nümunə gətirən ekspert qeyd edir ki, Azərbaycanın xarici aktivlərinin 75%-i, öhdəliklərinin 70%-i dollar ilədir. Rusiyanin aktivlərinin 82 faizi, öhdəliklərinin isə 91 faizi xarici valyutanın payına düşür. Türkiyənin aktivlərin 46 faizi, öhdəliklərin 58 faizi dollarlardır.
«Rəqəmlər göstərir ki, dollara tələb və ehtiyac böyükdür. Əlbəttə, hər ölkə çalışır ki, dollara olan ehtiyacını azaltsın, amma bunun ucun dayanıqlı iqtisadi inkişaf və güclü maliyyə bazarları yaratmaq lazımdır», deyə F.Hüseynli hesab edir.
Ekspert qeyd edir ki, bir tərəfdən xarici valyuta ilə aktivlərin olması yaxşıdır, çünki ölkədə ehtiyac olanda onların bir hissəsini satmaq olar. Ona görə hər bir ölkə dollar aktivi toplamağa cəhd edərək ehtiyat tədbirləri görür.
Digər tərəfdən, xarici valyuta ilə yatırımlardan mənfəətin araşdırılması vacibdir. 71D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz