Azərbaycanla Almaniya alternativ energetika sahəsində əməkdaşlıq üzrə işçi qrup yaradacaq

Azərbaycanla Almaniya alternativ energetika sahəsində əməkdaşlıq üzrə işçi qrup yaradacaq, deyə Azərbaycan Energetika Nazirliyinin məlumatında bildirilir.

Əməkdaşlıq məsələləri energetika nazirinin müavini Gülməmməd Cavadovun Almaniya-Azərbaycan Forumunun (DAF) İdarə Heyətinin sədri Hans-Eberhard Şleyer və Almaniyanın Şimali Reyn Vestfalen əyalətinin iqtisadiyyat, energetika, sənaye, orta biznes və sənətkarlıq məsələləri üzrə nazirinin müavini Günter Horzetskinin rəhbərlik etdiyi nümayəndə heyəti ilə görüşündə müzakirə edilib.

Horzetskin deyib ki, Almaniya alternativ və bərpa olunan enerji mənbələri və enerji səmərəliliyi sahəsində mühüm inkişaf yolu keçib. O, bu istiqamətdə əməkdaşlıq etmək üçün hər iki tərəfin mütəxəssislərindən ibarət işçi qrupunun yaradılmasını təklif edib.

Energetika nazirinin müavini Gülməmməd Cavadov təklifi yüksək qiymətləndirib və enerji sahəsində yeni istiqamətlər üzrə birgə əməkdaşlığa dəstək ifadə edib.

Ötən il Almaniyada elektrik enerjisi istehsalının 23%-i alternativ energetikanın payına düşüb. Bunun 8%-i külək, 5%-i Günəş, enerjisinin payına düşüb, deyə energokaskad.com bildirir. Ötən il Bavariyada 200 min istehlakçı (on nəfərdən biri) Günəş panelindən istifadə edib. Hökumət şirkətləri “dəniz” külək energetikasının inkişafına da cəlb etmək istəyir. 2030-cu ilə kimi Almaniyadaonun gücünü 25 GVt-a çatdırmaq (indi 280 MVt), planlaşdırılır. Amma bunun üçün 550 mlrd avroya ehtiyac var.

Azərbaycanda ümumi istehsalda alternativ energetikanın payı 1%-dir. Külək və Günəş energetikası 0,04% paya malikdir. —0—