![Vergilər Nazirliyində iki departament birləşdirilib](https://turan.az/resized/media/2015/main/100600131840-750-500-resize.webp)
Vergilər Nazirliyində iki departament birləşdirilib
Vergilər Nazirliyində struktur dəyişiklikləri davam edir. Bu dəfə Vergilər Nazirliyi yanında Xüsusi Rejimli Vergi Xidməti Departamenti ləğv edilib. Nazirliyin analitik-informasiya şöbəsinin məlumatına görə, departamentin funksiyaları Bakı Vergilər Departamentinə verilib. Oktyabrın 1-də burda eyni adlı idarə yaradılıb.
Ləğv edilən departament Analitik-informasiya şöbəsi 700 vergi ödəyicisinə xidmət edirdi. Onlar 2014-cü ildə Vergilər Nazirliyinin xətti ilə vergi mədaxilinin 69%-i (5 mlrd manat) təmin edib. Bunun 2 mlrd 160 mln manatı (+8,3%) qeyri-neft sektorunun payına düşür. Proqnozlara əsasən, bu il iri vergi ödəyiciləri dövlət büdcəsinə 4,7 mlrd manat ödəyəcək.
İqtisadçı ekspert Azər Mehdiyev Turan-a bildirib ki, uzun müddət ölkə büdcəsinin gəlirlərinin formalaşması əsasən neft gəlirlərindən və dövlət xərcləmələrindən asılı olub. Hazırda neft gəlirləri azaldığına görə dövlət xərcləmələrinin də azalması qaçılmazdır. Bu isə o deməkdir ki, büdcə gəlirlərinin toplanmasında ciddi problemlər yaranacaq. “Nazirliyin həyata keçirdiyi struktur dəyişikliyi vergi ödəyicilərinə təzyiqin artırılmasına yönəlikdir. Son zamanlar ayrı-ayrı qurumların "optimallaşdırma" adı altında həyata keçirdikləri addımlar əslində "böhran şəraitinə uyğunlaşma"dır, optimallaşdırma deyil», deyə ekspert düşünür. 08D
-
- İqtisadiyyat
- 6 Oktyabr 2015 12:50
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz