Azərbaycan İraqa Cənubi Qafqaz qaz dəhlizinə çıxış təklif edib. Məqsəd İraq qazının Avropaya tədarükündə Bağdada kömək etməkdir, deyə Azərbaycanın XİN başçısı Elmar Məmmədyarov bildirib.
"Nazir Bağdadda jurnalistlərə bildirib ki, İraq məmurları ABŞ-ın dəstəklədiyi bu iri layihəyə qoşulmaqda maraqlıdır, deyə Türkiyənin Hurriyet agentliyi Frans Pressə istinadən xəbər verir", - deyə bildirilir.
Məmmədyarov iraqlı həmkarı Zibari ilə mətbuat konfransında deyib ki, "bu, nəhəng layihədir və İraq maraqlıdırsa, onunla öz qazını nəql edə bilər".
Həmçinin o deyib ki, "istənilən digər maraqlı olan ölkə də Cənubi Qafqaz qaz dəhlizinə qoşula bilər və biz danışıqlara hazırıq".
" Cənubi Qafqaz qaz dəhlizi" Azərbaycan qazının Avropaya nəqli layihəsidir. 2013-cü ilin dekabrında “Şahdəniz 2” layihəsi üzrə yekun investisiya qərarı verilib. Bu yataqda çıxarılan qaz Türkiyə və Avropaya nəql ediləcək. Bunun üçün mövcud qaz kəməri genişləndiriləcək, və TANAP və TAP qaz kəmərləri çəkiləcək.
İraqın böyük qaz ehtiyatları var. Bir vaxt Nabucco layihəsi iştirakçıları ona çox ümid bəsləyirdi. Amma bu ölkədəki qeyri-sabitlik onun işlənməsi və nəqlini təşkil etməyə mane olur.
Azərbaycanın XİN başçısı Elmar Məmmədyarovun Bağdaddakı bəyanatını şərh edərkən Caspian Barrel Neft Araşdırmaları Mərkəzində qeyd ediblər ki “TANAP və onun davamı olan ТАР elə layihələndirilir ki, 2019-cu il üçün “Şahdəniz-2” yatağından tədarükə hazır olsun. Bu infrastrukturda üçüncü ölkələrin qazı üçün yer yoxdur ”.
Bundan başqa, 2024-cü il üçün sistemin 10 mlrd kubmetr genişləndirilməsi nəzərdə tutulur. “Amma ARDNŞ rəsmilərinin bəyanatlarını izləsək, bu müddət üçün “Abşeron” “ÜmidBabək” və AÇG-nin dərin laylarındakı qaz istismara hazır olacaq. Bu yataqların qazı da TANAP vasitəsilə Qərbə gedəcək. Bu infrastrukturda başqaları üçün sərbəst yer yoxdur ”, - deyə Caspian Barrel Mərkəzində bildiriblər.
Mərkəzdə hesab edirlər ki, rəsmi Bakı yalnız Xəzər yataqlarının pik dövrü bitəndən sonra regionun qaz ölkələri ilə əməkdaşlığa gedə bilər. –12A--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz