Avropa Komissiyası Azərbaycan və Türkmənistana təklif edib ki, Transxəzər qaz kəməri üzrə qarşılıqlı anlaşma memorandumunu yeniləsin. Bu barədə Avropa Komissiyasının Energetika İttifaqı üzrə sədr müavini Maroş Şefçoviç "Kommersant"a (21.04.2015) bildirib.
"2011-ci ildən AK-nın Azərbaycan və Türkmənistanla Transxəzər qaz kəməri üzrə danışıqlar aparmaq mandatı var. Biz Azərbaycan və Türkmənistana Transxəzər qaz kəmərinin tikintisi üzrə anlaşma memorandumunu yeniləməyi təklif etdik və cavab gözləyirik", - deyə o bildirib.
Bundan başqa o, deyib ki, bu kəmərlə İraq və İraq qazının tədarükünü də gözləmək olar.
"İndi söhbət Azərbaycandan gedir, baxaq görək İraq və İranda hadisələr necə inkişaf edəcək. Bu sahədə Türkmənistanın artan maraqlarını da görürük", - deyə Şefçoviç bildirib.
* Son vaxtlar Avropa Komissiyası ilə Azərbaycanın Transxəzər qaz kəməri üzrə maraqları üst-üstə düşür. Yerli mətbuat daim bu məsələni işıqlandırır və plitoloq, iqtisadçı cə siyasətçilər müsbət yanaşır. Əvvəllər Azərbaycan bəyan edirdi ki, bu, Avropa layihəsidir. Əgər Avropa qaz satıcısı ilə razılığa gəlsə, Azərbaycan tranzit ölkə kimi infrastruktur və tranzit imkanlarını təqdim edə bilər. Hadisələrin bu cür inkişafına RF əsəbi reaksiya verir. Rusiya KİV-də Transxəzər qaz kəmərinin rentabelli olmaması, türkmən qazının enerji resursları ucuzlaşdığı şəraitdə Avropa istehlakçıları üçün baha olduğu barədə analitik yazılar gedir.–12В--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz