Böyük Bakının 2030-cu ilə kimi yeni inkişaf planı ümumxalq müzakirəsinə çıxarılmalı, problemlər həllini tapmalıdır. Bu barədə bugünkü mətbuat konfransında məşhur inşaatçı, «Bakıbaştikinti»nin sabiq rəhbəri Emil Axundov bildirib. Dövlət Şəhərsalma və Arxitektura Komitəsi ötən həftə öz portalında Bakı və ətraf yaşayış məntəqələrinin inkişaf konsepsiyası layihəsini açıqlayıb. İyulun ortalarında hökumətin bu layihə üzrə dinləmələr təşkil edəcəyi gözlənilir.
40 ildən çox stajı olan inşaatçının fikrincə, Bakı tikilən zaman əhalinin sıxlığından tutmuş ekologiyaya kimi bir çox amillər nəzərə alınmalıdır. Axundov hesab edir ki, avtoyollarda tıxac probleminin həlli üçün nəqliyyat infrastrukturunun inkişafı və parklama yerlərinin tikintisi yetərli deyil. «Şəhərin mərkəzi ali məktəb, xəstəxana, dövlət idarəçiliyi orqanlarından azad edilməlidir. Şəhər gələcəkdə cənub istiqamətində inkişaf etməlidir», deyə o bildirib.
Axundov tikinti fəaliyyətinə icazə funksiyasının yenidən Bakı ŞİH-ə verilməsini təklif edir. «Fövqəladə Hallar Nazirliyinin səlahiyyəti yetərincədir».
Bakının tikintisinin sosial aspektlərinə toxunan Axundov deyib ki, müvafiq icazə olmadan fərdi ev tikənlər ziyan çəkməməlidir. Çünki bu, dövlət strukturlarındakı vəzifəli şəxslərin gözü qabağında və susqun razılığı ilə baş verib. 08С
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz