Nuru Paşanın büstü açıldı, heykəli nə zaman qoyular?
İyunun 28-də Türkiyə səfirliyi 1918-ci il sentyabrın 15-də Bakını rus-erməni hərbi birləşmələrindən azad edən komandan Nuru Paşanın səfirliyin ərazisində büstünün açılışı ilə bağlı mərasim keçirib.
Tədbirdə çıxış edənlər bu gün Azərbaycan dövlətinin, torpaqlarının var olmasının kökündə Nuru Paşanın komandanı olduğu Qafqaz İslam Ordusunun müstəsna xidməti durmasını xüsusi vurğulayıblar. Azərbaycan Cümhuriyyəti özünü 1918-ci ilin mayında elan etsə də yalnız Nuru Paşa Bakını azad etdikdən sonra paytaxt olaraq Bakıda fəaliyyət göstərə bilib.
İndiki Azərbaycan iqtidarına olan çoxsaylı mütraciətlərə baxmayaraq, Nuru Paşaya abidə qoymaması da üstüörtülü tənqid edilib. “Dəfələrlə bu məsələni qaldrıdıq, amma səsimizi eşidən olmadı, o qələbə olmasaydı Allah bilir, Bakı nefti indi haralara axırdı?”, - deputat Nizami Cəfərov eyham vurub.
Qafqaz İslam Ordusunun Qafqaza gəlişi və qələbəsilə təkcə Bakının azad olunması yox, həm də Azərbaycan dövlətinin yaranması məqamını tarixçi professor Cəmil Həsənli xüsusi vurğulayıb. “Bakı Qurban bayramı günü azad edildi, həmin gün iki qurban kəsildi, bir İsmayıl qurbanı, bir də Bakının azad edilməsi qurbanları kəsildi”,- C.Həsənli nəzərə çatdırıb. O, Bakının azad edilməsi məsələsinin hələ də ekranlaşdırılımamasına toxunaraq qarşıda bu hadisənin gələcək nəsillərə çatdırılması kimi missiyanın durmasına işarə edib.
Türkiyənin Azərbaycandakı səfiri Hülusi Kılıc büstün açılışını tarixi gün kimi dəyərləndirib. Qafqaz İslam Ordusunun Osmanlı imperiyasının mürəkkəb dövr yaşadığı 1918-ci ildə Bakını azad etməsini səfir ən böyük qələbələrdən biri adlandırıb. Bu tarixi qələbənin Azərbaycan dövlətçiliyinin yaşamasının əsası olmasına toxunan səfir bu günü unutmamağı tövsiyə etdi. “Biz bu büstü qoymaqla borcumuzu verdik, indi kimlər özünü borclu bilirsə, heykəl qoya bilər”, - səfir çoxmənalı mesaj ünvanlayıb və bütün şəhidlərə rəhmət diləyib.
Sonda büstün açılışı olub.-05C-
-
- Cəmiyyət
- 29 İyun 2012 16:41
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz