![Bakıda Asiya İnkişaf Bankının 48-ci toplantısı açılıb](https://turan.az/resized/media/2015/main/050200114699-750-500-resize.webp)
- İqtisadiyyat
- 2 May 2015, 14:12
- 77
Bakıda Asiya İnkişaf Bankının 48-ci toplantısı açılıb
Şənbə günü Bakıda Asiya İnkişaf Bankının (AİB) dördgünlük 48-ci iclası öz işinə başlayıb. Toplantıda beynəlxalq maliyyə qurumları, hökumətlər, ekspert və biznes birliklərinin 3 minə yaxın nümayəndəsi iştirak edir.
Tədbir Bakı Konqres Mərkəzində keçirilir. Mərkəz ötən günlərdə prezident İlham Əliyev tərəfindən açılıb.
İclasın açılışında çıxış edən AİB sədri Taxekiko Nakao bildirib ki, ixracın 90%-i neftdən ibarət olan Azərbaycanın qarşısında neftin və neft gəlirlərinin azalması fonunda ciddi çağırışlar durur. O, vəziyyətdən çıxış yolu kimi iqtisadiyyatın diversifikasiyasını, kənd təsərrüfatı və turizm kimi prioritet istiqamətlərin inkişafını göstərib.
Hələlik bankın fəaliyyəti infrastruktur, energetika və digər layihələrin dəstəklənməsinə yönəlib. “Lakin biz iqtisadiyyatın diversifikasiyasına yardım göstərməyə hazırıq”, - AİB rəhbəri bildirib.
Azərbaycan 1999-cu ildən AİB ilə əməkdaşlıq edir. Bu günədək bank ölkə hökumətinə AİB rəhbərinin sadalağıdı sahələrdə 12 layihənin reallaşması üçün $1,64 mlrd. həcmində vəsait ayırıb. Özəl sektor 10 dəfədən az həcmdə kredit alıb.
İqtisadiyyat və sənaye naziri Şahin Mustafayev “Azərbaycan 2020: qabaqcıl və şaxələndirilmiş iqtisadiyyta doğru” seminarının açılışında AİB-in Azərbaycan iqtisadiyyatına töhfəsini yüksək qiymətləndirib və yaxın beş ildə əməkdaşlıq sahəsi ola biləcək istiqamətləri təqdim edib. Demək olar ki, əməkdaşlıq istiqamətləri və Taxekiko Nakaonun tövsiyələri üst-üstə düşüb.
Lakin neftin qiymətinin enməsindən sonra iqtisadiyyatın böhran vəziyyətdə olması göstərdi ki, müxtəlif beynəlxalq qurumların və hökumətlərin tövsiyələrinə baxmayaraq, hökumət iqtisadiyyatın diversifikasiyası üçün əməldə az iş görüb, Turan agentliyi qeyd edir.
İnfrastruktur və enerji layihələrinin dəstəklənməsi üzrə hökumətin AİB-ə son sorğuları ondan xəbər verir ki, hətta böhran vəziyyətində belə iqtisadiyyatın diversifikasiyası üzrə dövlətin aydın fəaliyyət proqramı və strategiyası yoxdur. Aprel ayında bəyan edilib ki, 2015-2017-ci illərdə AİB Azərbaycanfa enerji və nəqliyyat infrastrukturunun inkişafına $518 mln. ayıracaq. Beş il müddətinə strategiya hesab olunan diversifikasiya haqqında isə bir kəlmə danışılmır.
İclas mövzusuna toxunaraq qeyd etmək lazımdır ki, həmçinin AİB-BVF-nin Asiyada tərəqqinin saxlanması üçün maliyyə sektorunun inkişafı”, AİB-Dünya İqtisadi Forumunun “Asiyada özəl infrastruktur: artmaqda olan tələbatın təminatı üçün layihələrin hazırlanmasına və özəl maliyyələşdirməyə tələblər”, “Cənubi Qafqazda davamlı maliyyələşdirmə və təbiətin mühafizəsi üzrə iqtisadi üstünlüklər” mövzusunda seminarlar keçiriləcək.
AİB 1966-cı ildə yaradılb və əsas səhmdarları Yaponiya və ABŞ-dır. Onlar ümumi səhmdar kapitalının 31,2%-nə sahibdirlər. Hindistan və Çin 12,8%, Avstraliya, Cənubi Koreya və Kanada 16%-ə sahibdir. Qalan hissə 59 səhmdar ölkənin payına düşür.—0—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz