Sorğu mərkəzinin yaradılması Azərbaycanın Ümumdünya Ticarət Təşkilatına qəbulunun şərtlərindəndir, deyə Standartlaşdırma, Metrologiya və Patent üzrə Dövlət Komitəsinin (SMPDK) texniki tənzimləmə və sertifikatlaşdırma şöbəsinin müdiri Sabiq Abdullayev bildirdi. Onun sözlərinə görə, Azərbaycan beynəlxalq tələblərə uyğun qanunvericilk aktları hazırlayıb və onlar 1 yanvar 2011-ci ildən qüvvəyə minəcək.
Sorğu Mərkəzi (SM) bu və ya digər ölkəyə məhsul göndərmək istəyən istehsalçıya yardım edəcək. Bu halda onlara o ölkələrdəki standartlar barədə məlumat veriləcək, deyə SMPDK mətbuat katibi Fazil Talıbov Turana-a bildirdi. Bir neçə il əvvəl Avropa ölkələri Azərbaycan fındığını qəbul etmədilər, çünki toksiki vasitələr normadan çox idi. Bundan başqa, Ümumdünya Ticarət Təşkilatının (ÜTT) Ticarətdə Texniki Maneələr (TBM) haqqında sazişin tələblərinə uyğun olaraq Azərbaycan SM vasitəsilə ÜTT üzvlərini texniki tənzimləmə normativ-hüquqi aktlarının layihələri ilə tanış edəcək. ÜTT üzvləri bu sənədlərə təsdiq olunmazdan əvvəl təkliflər verə bilərlər. Sorğu mərkəzi Almaniya Texniki Əməkdaşlıq Təşkilatının (GTZ) dəstəyi ilə yaradılıb.
Azərbaycan 1996-cı ildən ÜTT-nin assosiativ üzvüdür. 08C
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz