“Azerbaijan Airlines” QSC Bakı-Tbilisi-Bakı istiqamətində ekonom sinif sərnişinlər üçün bileti ucuzlaşdırıb. Bunu qış mövsümündə sərnişin axınının azalması ilə izah edirlər.
AZAL təyyarələrində (Embraer) bu istiqamətdə bilet minimum 240 əvəzinə minimum 200 manatdır, deyə “Silk Way Travel” şirkətində Turan-a bildiriblər.
Bir il əvvəl bu marşrutla gündə iki dəfə icra edilirdi. İndi AZAL Tbilisiyə bazar ertəsi, çərşənbə, şənbə və bazar günləri uçuş həyata keçirir.
AZAL həmçinin “Qatar Airways” aviaşirkəti ilə birgə bu marşrutda uçuş həyata keçirir (çərşənbə axşamı, cümə axşamı, cümə). Bu aviaşirkət iki tərəfə bileti 348 manata (ekonom sinif) və 728 manata (biznes sinif) satır.
Tbilisiyə dəmir yolu və avtomobillə də getmək olar. «Azərbaycan Dəmir Yolları» Tbilisi və geriyə hər gün reys icra edir. Kupedə biletin qiyməti 28 manat, 50 manatdır. Bu nəqliyyatda da sərnişin axını böyük deyil. Qatarda 3-4 vaqon olur. 08B
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz