Bankirlərin MBNP-nin rəhbərilə görüşü suallara cavab verməyib

Maliyyə Bazarlarına Nəzarət Palatası vəziyyətə təsir etmək iqtidarında deyil. Qurumun Direktorlar Şurasının sədri Rüfət Aslanlının səhmdarlar və yerli kommersiya banklarının rəhbərləri ilə görüşü də bunu göstərdi.

Azərbaycan Banklar Assosiasiyasının təşəbbüsü ilə ötən gün keçirilən görüş sistemin dağılmasına gətirib çıxaran məqamları ortaya qoyub, lakin qarşıya qoyulan suallara cavab verməyib.

IJS Law Firm hüquq firmasının direktoru Əkrəm Həsənov Turan-ın müxbirinə bildirib ki, qanunvericiliklə Palatanın  tənzimləyici kimi çıxış etmək hüququ yoxdur, cünki nəinki AMB, hətta Əmanətlərin Sığortalanması Fondu səviyyəsində adekvat resursları yoxdur.

Bundan əlavə, publik hüquqi şəxs vətəndaşların hüquqlarını pozaraq bir çox yalnışlara yol verib. Belə ki, öncə xarici valyuta ilə bank borclarına qadağa tətbiq edib, sonra isə maliyyə- kredit qurumlarına pensiyaçılara  kredit verilməsini qadağan edib.

Lakin istehlak kreditləşməsi sahəsi  (bankların kredit portfelinin 40%-i) kredit-maliyyə sisteminin manatla kredit verməkdən imtina etməsi səbəbindən dondurulmuş vəziyyətə düşüb.

“Doğrudanmı pensiyaçıların 1 mlrd. 314,6 mln. manat həcmində müddəti keçmiş krediti var? Hətta qeyri-mütəxəssislərdə belə xarici valyuta ilə tam qadağa məsələsi ilə bağlı kütləvi suallar ortaya çıxır.

Palatanı bu qərarı qəbul etməyə məcbur edən səbəb Mərkəzi Bankın səlahiyyətlərinin bir hissəsinin yaradılmaq prosesində olan yeni nəzarət orqanına keçməsinin başa çatmamasıdır- sənədlərin təhvil-təslim proseduru gedir, 1992-ci ildən fəaliyyət göstərən AMB-nin işinin yekunları üzrə monitorinqlərin, mümkün təhlillərin nəticələri gözlənilir.

Palata tam idarəetmə və nəzarət imkanlarından uzaqdır, dollar kreditləri ona xeyli narahatlıq yaradır.

Hətta manatla borcları sənədləşdirmək üçün özəl bankların kifayət qədər vəsaiti yoxdur, AMB rəhbərliyi də milli valyutanın daxil olması imkanlarının qarşısını alır və ehtiyat edir ki, banklar onu dollara dəyişər ki, bu da valyuta ehtiyatlarının itirilməsinə gətirib çıxara bilər. Dollara olan kütləvi tələbat manatın gələcəkdə çökməsinə səbəb ola bilər. Mərkəzi Bank isə süni yaradılan manat qıtlığının köməyilə onun üzməsini dəstəkləyərək rahat dayanıb. Yəni, madam ki, dollar alışı üçün vəsait yoxdur, milli valyutanın məzənnəsinin kəskin yox, tədricən enməsilə stabil məzənnə əldə edin”, - mütəxəssis real iqtisadiyyatın  və maliyyə üzərində tam nəzarətin olmadığına işarə edərək bildirib. --17D—