Bələdiyyələrin maliyyə potensialının genişləndirilməsi üzrə təkliflər təqdim edilib

Bu gün “Bələdiyyələrin  inkişafı  naminə”  QHT  Alyansı  “Yerli  özünüidarəorqanlarının maliyyə potensialı: paylı  vergi  sisteminin tətbiqi  və  hüquqi şəxslərin əmlakvergisinin bələdiyyələrə verilməsi imkanları”  mövzusunda dəyirmi masa keçirib.
Avropa İttifaqı yerli və regional hakimiyyətlər konqresinin tövsiyələrinə zidd olaraq Azərbaycanda yerli idarəetmədə tam və istisnai səlahiyyətlər verilməyib. Onların maliyyə dayaqları da inkişaf etməyib, deyə BINA əlaqələndiricisi Abil Bayramov bildirib. Onun sözlərinə görə, siyasi hakimiyyət yerli hakimiyyətlərdə köklü islahatlara ahzır deyil, ona görə koalisiya imkan daxilində bələdiyyələrə ictimai vəkillik etmək istəyir. Bu yolda ilk addım pay vergi sisteminin tətbiqi olardı, deyə BINA-da hesab edirlər. Onalrın fikrincə, məsələnin tam həlli üçün müvafiq konsepsiya və proqram qəbul edilməlidir.  
Bələdiyyələrin  maliyyə potensialının genişləndirilməsi üzrə təklifləri «İqtisadi Təşəbbüslərə Yardım » (SEI) ekspertləri hazırlayıb. İB-in sədr müavini Rövşən Ağayev ölkədə pay vergi sistemi tətbiqini təklif edir. Onun sözlərinə görə, bu sistem müxtəlif formalarda bir sıra ölkələrdə tətbiq edilir. İstənilən halda bu sistem bələdiyyələrə real maliyyə təminatını hədəfə alır. SEI-də hesab edirlər ki, Azərbaycan üçün məqbul olan 9 vergidən ikisinin tətbiqidir. Bunlar şirkətlərin mənfəət vergisi və fiziki şəxslərin gəlir vergisidir. SEI mütəxəssislərinə görə, bu vergilərin 10%-i bələdiyyələr arasında bölünsə, onların 150 mln amnat əlavə maliyyəsi olar. 2013-cü ildə ölkənin 1716 bələdiyyəsinin gəliri 47 mln amnat olub.
SEI eksperti Samir Əliyev iştirakçılara bələdiyyə vergilərinə əlavə kimi hüquqi şəxslərin əmlak vergisinin daxil edilməsini təklif edib. Bu, bələdiyyə büdcələrinə əlavə 115 mln manat gətirə bilər. Bələdiyyələr fiziki şəxslərin vergisindən ötən il 4,3 mln manat toplayıb. Bu, əvvəlki ildəkindən 0,6 mln manat çoxdur. Bu, kiçik məbləğdir, çünki hər vergi subyektinə 2,2 manat düşür. SEI ekspertinin fikrincə, problem bu vegilərin yığılması ilə yanaşı qanunvericilik maneəsindədir.: Vergi Məcəlləsinə əsasən, fiziki şəxslərin əmlak vergisi inventar qiymətinə uyğun təyin edilir. Onu Daşınmaz Əmlakın Dövlət Qeydiyyatı Xidməti müəyyən etməlidir. Bu struktur bu öhdəliyi praktik olaraq icra etmir, bununla bələdiyyələri maliyyə mənbəyindən məhrum edir. 08C