Birja informasiyalarının açıqlanmasının yeni qaydaları qəbul edilib

Qiymətli Kağızlar üzrə Dövlət Komitəsi “Fond birjasının məlumatlarının açıqlaması Qaydası”nı (http://goo.gl/0ZKOb4) təsdiq edib.

Qaydalar Fond birjasının fəaliyyəti, ticarətə buraxılmış qiymətli kağızlar və törəmə maliyyə alətlərinin tələb və təklif qiymətləri, həmçinin onlarla bağlanmış əqdlərlə bağlı məlumatların açıqlanmasına dair tələbləri müəyyən edir. Ticarət öncəsi və bağlanmış əqdlərə dair məlumatların açıqlanması maliyyə bazarlarının sabitliyinin pozulması və ya ölkə iqtisadiyyatına mənfi təsir göstərə bildiyi təqdirdə QKDK məlumatların açıqlanmasını təxirə salır.

Bağlanan birja əqdləri haqqında ümumiləşdirilmiş informasiya ticarət günü ərzində birjanın intyernet saytında açıqlanır. Ünvanlı əqdlər haqqında informasiya birjanın daxili qaydalarına uyğun açıqlanır.

Bundan başqa, birja hər bir investisiya şrkəti üzrə bağlanan əqdlərin aylıq icmalını da açıqlayacaq.

Azərbaycanda fond birjası 2000-ci ildən fəaliyyət göstərir. İndiyədək birja listinqinə 10-dan çox şirkətin qiymətli kağızları qəbul edilib. Birja indeksi yoxdur. İnvestisiya qiymətli kağızları əsasən Ünvanlı əqdlər yolu ilə satılır. Bu vaxt əqd tərəfləri QK-ın birjaya gəlməsində əvvəl şərtləri razılaşdırır.

Bir il ərzində birjada korporativ QK üzrə 4000-5000 əqd bağlanılır. 08B