İslahatlar üçün siyasi iradə yoxdur

Yanvarın 10-da Azərbaycan prezidenti İlham Əliyevin sədrliyi ilə Nazirlər Kabinetinin 2015-ci ildə sosial-iqtisadi inkişafın yekunlarına və qarşıdakı vəzifələrə həsr olunmuş iclası keçirilib.

İqtisadi göstəricilərdən danışılarkən aşağıdakı rəqəmlər səslənib: ötən ildə ÜDM 1%-dən çox artıb, sənaye istehsalı 2,4%, qeyri-neft sahəsi 8,4% artıb. Ötən il yerli iqtisadiyyata $20 mlrd. investisiya qoyulub ki, bunun da yarısı xaricilərin əmanətlərdidir.

Bu rəqəmləri şərh edən iqtisadçı ekspert Qubad İbadoğlu iki mühüm detalı qeyd edib - əsas “nailiyyət” milli valyutanın iki dəfə devalvasiyası olub, lakin əsas məruzəçilər prezidentdən başqa Mərkəzi Bankın və Neft Fondunun rəhbərləri deyil, “çəhrayı” rəqəmlərlə çıxış edən maliyyə naziri Samir Şərifov olub.

Ondan başqa Qaçqınlar və Məcburi Köçkünlər üzrə Dövlət Komitəsinin sədri Əli Həsənov, kənd təsərrüfatı naziri Heydər Əsədov çıxış ediblər ki, bu da hökumətin problemə münasibətini göstərir.

“Məni baş nazir Artur Rasizadənin (81 yaş) və onun müavini Abid Şərifovun (76 yaş) fiziki iştirakı faktı maraqlandırır. 20 il ərzində həmin vəzifəni tutan bu şəxslər bu cür iclaslarda çıxış etməyiblər. Belə rəhbərlərlə əməli islahatlar aparmaq mümkündürmü? Məsələ də  bundadır”, - iqtisad elmləri doktoru bildirib.

Onun sözlərinə görə, böhrana qarşı mübarizəyə öncə onun olmasını etiraf etməkdən başlamaq lazımdır ki, bunu da nə dövlət başçısı, nə də Nazirlər Kabineti edir. Onlar hər şeyi xarici amillərin üzərinə qoymağa və nailiyyətləri qabartmağa meyllidirlər. Burada iki məqsəd var: kosmetik dəyişikliklərlə işgüzar mühit görüntüsü yaratmaq, həmçinin islahatları istəyən, lakin siyasi iradə olmadığından  hələlik susmağa məcbur olan hökumət üzvlərinə bu barədə danışmağa imkan verməmək.17D—