Paytaxtın ticarət şəbəkələrində spirtli içkilər yoxa çıxıb. Bu, spirtli içkilərin kredit kartları vasitəsilə satışı barədə hökumətin yeni qaydaları ilə bağlıdır.
Xatırladaq ki, ötən il dekabrın əvvəllərində dövlət başçısı Azərbaycan ərazisində aksiz mallarının – spirtli içkilər, pivə və tütün məmulatlarının satışı qaydalarını təsdiqləyib.
Bundan sonra bu məhsulların topdansatış və pərakəndə satışının nağd yolla ödənişi qadağan edilir. Yəni, yanvarın 1-dən spirtli içkilərə görə ödənişi kartlar vasitəsilə həyata keçirmək lazımdır.
Ancaq bu qaydalar qüvvəyə minəndən 10 gün sonra mağazalarda spirtli içkilər yoxa çıxıb. Heç kartla almaq da mümkün deyil.
İri supermarketlərdən birində Turan-ın sualına cavab olaraq bildirilib ki, onlara göstəriş verilib ki, spirtli içkiləri yığışdırsınlar. Ticarətin nə zaman və hansı şərtlərlə bərpa olunacağı məlum deyil.
Başqa bir mağaza sahibi də bildirib ki, spirtli içkilərin satışı ilə bağlı yeni qaydalardan heç nə anlamır. “Əvvəlcə dedilər ki, 50 manata qədər nağd pulla satmaq olar, indi də deyirlər satmayın, gözləyin. Biz də gözləyirik, ama bilmirik ki nəyi gözləyirik”.-02B-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz