BP, Statoil və Total TANAP layihəsində SOCAR-a ortaq olacaq

SOCAR prezidenti Rövnəq Abdullayev Transxəzər qaz kəmərinin (TANAP) tikintisi və istismarı layihəsində iştirak etmək istəyən “Şahdəniz” layihəsi üzrə tərəfdaşlardan təkliflər alındığını bildirib. 

Onun sözlərinə görə, bu layihədə 80% SOCAR-a, 20% isə Türkiyənin BOTAS dövlət şirkətinə məxsusdur.

“Biz yayda bildirdik ki, öz payımızın bir hissəsini başqa şirkətlərə təklif edərək, özümüzə 51% saxlamaq istəyirik.

BP, Statoil və Total bu layihədə iştirak etmək istədilər”, deyə SOCAR rəhbəri bildirib.

O, bu şirkətlərin artıq SOCAR-a öz təkliflərini göndərdiklərini deyib. SOCAR öz payını aşağıdakı şəkildə paylaşdırmaq istəyir: BP və Statoil – hər birinə 12%, Total-a – 5%.

Bu zaman Abdullayev qeyd edib ki, bu, ilkin planlardır və hələlik heç bir sənəd imzalanmayıb.

Qeyd edək ki, əvvəllər yerli və xarici KİV-lər BP-nin TANAP-da SOCAR-dan sonra ikinci mövqeyi tutmaq istədiyi barədə məlumatlar yayıb. Bununla əlaqədar olaraq, BP prezidenti Bob Dadli Ankaraya və Bakıya bir neçə səfər edib və hər iki ölkənin rəhbərliyi ilə görüşlər keçirib.

Xatırladaq ki, BP və Statoil hər biri Bakı-Tbilisi-Ərzurum qaz kəməri layihəsində 25,5% paya malikdir, görünür, onlar TANAP-da da eyni paya malik olmaq istəyirlər.

* Azərbaycan və Türkiyə arasında TANAP qaz kəmərinin inşaatı haqqında hökumətlərarası saziş iyunun 26-da İstanbulda imzalanıb. TANAP-ın uzunluğu 1790 km, ilkin keçirmə qabiliyyəti 16 mlrd. kubmetr təşkil edir və kəmər Azərbaycan qazının Türkiyə bazarına və oradan da Avropaya nəqli üçün nəzərdə tutulur. Azərbaycan Milli Məclisinin Parlament Komitəsi noyabrın 6-da imzalanmış sazişi təsdiq edib. -0-

 

Rəy yaz

İqtisadiyyat

Navalnının ölümü: Siyasi məhbusların həyatına görə kim məsuliyyət daşıyır? – Bəşir Süleymanlı Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti