Sentyabrın 1-də baş nazir Artur Rasizadənin sədrliyi ilə Nazirlər Kabinetinin iclası keçirilib. İclasda 2016-cı ilin dövlət və icmal büdcələri layihəsi, gələn ilin və qarşıdakı 3 ilin iqtisadi və sosial inkişafı konsepsiyası və proqnoz göstəriciləri müzakirə edilib. Hökumətin rəsmi məlumatında bir rəqəm belə verilmir.
Nazirlər Kabinetinin mətbuat xidmətinin məlumatında qeyd edilir ki, iclasda Artur Rasizadə çıxış edərək dövlət büdcəsi layihəsinin sosial yönlü olduğunu bildirib. Maliyyə naziri Samir Şərifov və iqtisadiyyat və sənaye naziri Şahin Mustafayev məruzə edib. Dövlət büdcəsi layihəsi və başqa sənədlərin prezidentə təqdim edilməsi qərara alınıb.
İqtisadçı Rövşən Ağayev hesab edir ki, hökumət əhalinin gəlirlərinin azalmasına nəzərə alaraq investisiya xərclərini azaldıb.
2013-2015-ci illərin dövlət büdcəsini analiz edən iqtisadçı Qubad İbadoğlu hesab edir ki, hökumətin orta və uzunmüddətli düşünülmüş büdcə siyasəti yoxdur. «Yeni və hökumət üçün çətin iqtisadi situasiya yaranıb: neftin ucuzlaşıb, dövlət gəlirləri azalıb. Bu il üçün olan gözləntilərə görə, 2015-ci ildə dövlət büdcəsinin gəlirləri 2013-cü illə müqayisədə 5 milyard manat və ya devalvasiyadan sonrakı məzənnə ilə 10 milyard dollar az icra olunacaq. Ona görə də, dəyişkən neft qiymətlərinin şərtləndirdiyi xarici ticarət və büdcə balansının zəif göstəriciləri bazasında makroiqtisadi və sosial sabitliyi qoruyacaq, iqtisadi artımı təmin edə biləcək 2016-cı ilin büdcəsini proqnozlaşdırmaq hökümət üçün o qədər də asan olmayacaq», deyə Qubad İbadoğlu düşünür.
2015-ci ildə dövlət büdcəsinin gəlirləri 19 438 mlrd manat, xərcləri 21,1 mlrd manat təsdiq edilib. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz