Dövlət büdcəsi Mərkəzi Bankın gəlirinin qalığı ilə tamamlanacaq

Milli Məclisin yaz sessiyasının bugünki iclasında baxılan məsələlərdən biri “Azərbaycan Mərkəzi Bankı haqqında” qanun olub. Bu qanuna düzəlişlər edilib.

Dəyişikliklər AMB öz kapitalının azlığı ilə bağlı problemlərə aid olub. İndi ilin sonuna doğru ölkənin əsas maliyyə tənzimləyicisinin balansında aktivlərin və passivlərin xarici valyuta və qızılla yenidən qiymətləndirilməsi ilə əlaqədar yaranmış ziyan öz kapital ehtiyatları hesabına ödəniləcək. Yəni aktivlər passivlərin məbləğindən aşağı düşdüyü təqdirdə yaranmış kapital çatışmazlığı bir maliyyə ili sonra dövlətin buraxdığı qiymətli kağızlar hesabına ödəniləcək.

Yeni qaydalara əsasən, ehtiyat kapitalların formalaşdırılmasından və illik maliyyə hesabatının auditor rəyi ilə təsdiq edilməsindən sonra Mərkəzi Bankın reallaşdırılmış gəlirinin sərbəst qalığı dövlət büdcəsinə köçürüləcək.

AMB kapitalı onun nizamnamə kapitalından (50 mlrd. manat) və kapital ehtiyatlarından (həcmi nizamnamə kapitalından az deyil) ibarətdir. Ehtiyatlar maliyyə ilinin yekunlarına görə gəlirdən ayrılan məbləğ hesabına formalaşdırılır. Kapital ehtiyatlarının minimum həcmi dövriyyəyə buraxılmış nağd milli valyutanın 15%-nə bərabər olur. -17D-