DŞAK-ın tenderində ondan asılı struktur qalib gəlib

Dövlət Şəhərsalma və Arxitektura Komitəsi Tikinti və Arxitektura ETİ-i ilə şəhərsalma və tikinti normalarını nizamlayan normativ sənədlərinin işlənilməsi ilə bağlı müqavilə imzalayıb. Ancaq hətta bu ETİ-nın tenderdə iştirakı qanunvericiliyə ziddir.

AR “Dövlət satınalmaları haqqında” qanununun 31.1-ci maddəsinə əsasən (dövlət satınalmalarında maraqların toqquşması), alıcı təşkilatdan hüquqi, maliyyə və təşkilatı formada asılı qurumun tenderdə iştirakı yolverilməzdir. Tikinti və Arxitektura ETİ DŞAK-a tabe strukturdur. Bundan əlavə, Dövlət Komitəsinə “Azərmemarlayihə” ATİ-də tabedir.

Tikinti və Arxitektura ETİ-nin direktoru Abdı Qarayev Turan-a bildirib ki, normativ sənədlərin hazırlanması üzrə tenderdə digər elmi-tədqiqat institutları da iştirak edib. Amma onun institutuna üstünlük verilib. «Bizim ETİ-nin sahə üzrə ixtisaslaşan yüksək ixtisaslı kadrları var. Bundan başqa, DŞAK-la əməkdaşlıq təcrübəmiz var. Onların sifarişi ilə 14 layihə sənədi hazırlanıb, bunun 8-i qüvvədədir», deyə Abdı Qarayev bildirib.

Qeyd edək ki, DŞAK ilə Tikinti və Arxitektura ETİ arasında 25 avqustda bağlanan müqavilənin qiyməti 114,5 min manatdır.

Abdı Qarayevin sölərinə görə, 2018-ci ilin əvvəlinə kimi sürüşmə və sürüşmə zonasına qarşı, anbar binası və anbar istismarı layihəsi hazırlanacaq. 08B