![DSMF-nin gəlir və xərcləri 9 ayda xeyli artıb](https://turan.az/resized/./turan-750-500-resize.webp)
DSMF-nin gəlir və xərcləri 9 ayda xeyli artıb
Oktyabrın 6-da Azərbaycan Respublikasının prezidenti İlham Əliyevin sədrliyi ilə Nazirlər Kabinetinin 2013-cü ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında Dövlət Sosial Müdafiə Fondunun sədri Səlim Müslümov bildirib ki, hesabat dövründə DSMF-nin gəlirləri 1 mlrd 978 mln manat (ötən ilin eyni dövrü ilə müqayisədə +8%) olub.
Sosial sığorta gəlirləri əvvəlki ilin yanvar-sentyabr aylarına nisbətən 12 faiz artaraq 1 milyard 120 milyon manata çatıb. İşləyənlərin və onların maaşlarının qeydiyyatı ilə bağlı Dövlət Sosial Müdafiə Fondunun müvafiq təşkilatlarla birgə işi nəticəsində 600 min nəfər əlavə qeydiyyata alınıb və sığorta olunan şəxslərin sayı 2 milyon 630 min nəfəri ötüb.
Bu dövrdə Fondun xərcləri 1 milyard 890 milyon manat olub ki, bunun da 98 faizi pensiya və müavinətlərin maliyyələşdirilməsinə yönəldilib. Əmək pensiyalarının baza hissəsinin artırılması, o cümlədən sığorta hissəsinin indeksləşdirilməsi ilə bağlı imzalanan müvafiq sərəncamlara əsasən qulluq stajına görə pensiyasına əlavə alan şəxslər istisna olmaqla, qalan 1 milyon 209 min nəfərin pensiyasının baza hissəsi sentyabrın 1-dən 17,6 faiz artırılaraq 100 manata çatdırılıb. Güzəştli kateqoriyaya aid 146 min nəfərin pensiyasının baza hissəsinə daha çox, yəni 16,5 manatdan 37,5 manata qədər artım tətbiq edilib. Beləliklə, sentyabrın 1-dən Azərbaycanda pensiyaların baza hissəsi müqayisəli ifadədə 128 dollar təşkil edib Bu artımlardan sonra Fondun əhaliyə aylıq ödənişlərinin həcmi 221 milyon manata çatıb. Dövlət Sosial Müdafiə Fondunun sədri vurğuladı ki, hazırda fondun uçot sistemində ölkənin əmək qabiliyyətli əhalisinin 44 faizinin, məşğul əhalisinin isə 60 faizinin fərdi şəxsi hesabı var. Bu ilin iyul ayından Azərbaycanda avtomatlaşdırılmış pensiya təyinatına başlanıb.
Bu ilin 8 ayında 84 min nəfərdən çox şəxs “elektron hökumət portalı” vasitəsilə bu xidmətlərdən istifadə edib. 2013-cü ildə DSMF-nin büdcəsi 2 mlrd 632 mln 695 min manat müəyyən edilib. --17D—
İqtisadiyyat
-
Azərbaycan prezidenti İlham Əliyev ölkənin sənaye potensialının artırılması istiqamətində görülən geniş tədbirlər çərçivəsində Sumqayıt Kimya Sənaye Parkının ərazisinin genişləndirilməsi haqqında fərman imzalayıb.
-
Azərbaycan Prezidenti İlham Əliyev 2023-cü il 17 noyabr tarixli fərmanı ilə təsdiq edilmiş “Azərbaycan Respublikasının Dövlət Su Təsərrüfatı Agentliyi haqqında Əsasnamə”də dəyişiklik edilməsi barədə fərman imzalayıb. Azərbaycan Konstitusiyasının 109-cu maddəsinin 32-ci bəndinə uyğun olaraq edilən dəyişikliklər müddəanın müxtəlif yarımbəndlərindən müəyyən ifadələrin çıxarılmasını nəzərdə tutur.
-
Bankdan bildirilib ki, Dünya Bankının İcraçı Direktorlar Şurası özünüməşğulluq imkanlarını genişləndirməklə həssas əhali qruplarına kömək etmək məqsədi daşıyan Azərbaycanda Məşğulluğa Dəstək Layihəsinin (AESP) genişləndirilməsi üçün əlavə 150 milyon ABŞ dolları məbləğində vəsaiti təsdiqləyib.
-
İyulun 30-da Bakıda Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının (COP29) Tərəflərin Konfransının 29-cu sessiyası ərəfəsində “Azərbaycanda yaşıl tikinti” mövzusunda dəyirmi masa keçirilib. Tədbir davamlı, sıfır karbon tikinti təcrübələrini müzakirə etmək üçün xarici tikinti şirkətlərini, yerli sənaye liderlərini və hökumət rəsmilərini bir araya gətirir.
Rəy yaz