Beyənlxalq Tərəfdaşlıq qrupu: Vətəndaşlarin hüquqları təmin olunmadan seçkilərin nəticələri məqbul sayılmayacaq

Mətbuat azadlığı sahəsində aparıcı QHT-lər və jurnalistlərdən ibarət Beyənlxalq Tərəfdaşlıq qrupu Azərbaycanda prezidnet seçkiləri ərəfəsində birgə bəyanatla çıxış ediblər. 

Sənəddə Azərbaycanda hüquq və azadlıqlar sahəsində ciddi problemlər olması qeyd edilir, qarşıdakı prezident seçkilərinin azad və ədalətli keçirilməsi üçün iqtidara həbsdə olan jurnalist və bloqerlərin, hüquq müdafiəçilərinin, azad olunması çağırışı edilir.      

“Nə qədər ki, hakim rejimi tənqid edən şəxslər həbsdən azad olunmayıblar, nəqədər ki, ifadə azadlığı beynəlxalq standartlara uyğun təmin olunmayıb Azərbaycanda keçirilən prezident seçkiləri ədalətli sayılmayacaq”-deyə “Article-19” un icraçı direktoru Tomas Xyuc bəyan edib.

“Azərbaycan BMT Təhlükəsizlik Şurasına rəhbərlik edir, noyabrdan Avropa Şurasına rəhbərlik edəcək. Beynəlxalq öhdəliklərini pozan bir ölkə bu qurumlarda başını dik tuta bilməz”deyə icraçı direktor əlavə edib.

2013-cü ilin əvvəllindən Azərbaycanda ölkə iqtidarını tənqidə məruz qoyan vətəndaşların hüquq və azadlıqlarının kobud şəkildə boğulamsı dalğası başlayıb.

“İqtidar öz əsas hüquqlarını tələb edənlərə qarşı zorakılıq, qaralama yolu ilə Azərbaycan vətəndşalrının mülki və siyasi hüquqlarını müntəzəm və məqsədli şəkildə pozur. Başqa rejimlərin fəaliyyətində belə hallara dözümsüz yanaşan beynəlxalq birlik Azərabycanda belə hallara səbrlə yanaşır. Avropa İttifaqı və digər ölkələrin liderləri qəti mövqe tutaraq Azərbaycanda hüquq və azadlıqların pozulması haqda uca səslə danışmalıdır”-deyə Mülki Hüquqların müdafiəsi təşkilatının icraçı direktoru Robert Xerd bildirib.

Daha sonra sənəddə siyasi fəallara hücum və onların həbslərinə toxunulur. Bu sırada Türkel Kərimlinin, Əli Gülalıyevin, İlqar Məmmədovun, Tofiq Yaqbulunun adları çəkilir, habelə NİDA gənclər hərəkatını 7 üzvünün həbsi qeyd edilir. 

Jurnalistlər Hilal Məmmədovun, Pərviz Haşımlının və Əvəz Zeynallının həbslərinə ayrıca toxunulur. prezident seçkiləri ilində bu təqiblərin gücləndiyi nəzərə çatdırılır. 

“Azərbaycan iqtidarı insanları informasiyaları sosial şəbəkələrə yeləşdirməyə görətəqib edir və cəzalandırır, onları narkotika və silah saxlamaq kimi saxta ittihamlarla həbsə alır. Yeri gəlmişkən, məhkəmələr belə qanunsuzluqlara alət olmaq rolunda çıxış edirlər”-deyə İnsan Haqları Evi Fondunun təmsilçisi Maria Dale qeyd edib. 

“Azərbaycanda informasiya azadlığıının durumu onsuz da ağır idi, prezident seçkiləri ərəfəsində isə daha da kəkinləşdi. Jurnalistlərin həbsi, onların təqib olumaları cəhdləri, müxalifyönlü KİV-lərə daim təzyiqlər, arzuolunmaz şəxslərlə bağlı siyahının açıqlanması Azərbaycnda fərqli fikirliliyin boğulmasının ümumi strategiyasından xəbər verir”-deyə “Sərhədsiz reportyorlar” təşkilatının rəhbəri Kristof Delor bildirib.-02D-