![Əmək miqrantlarının sayı bəyan ediləndən 3 dəfə çoxdur](https://turan.az/resized/media/2014/main/042300076506-750-500-resize.webp)
Əmək miqrantlarının sayı bəyan ediləndən 3 dəfə çoxdur
Aprelin 1-i üçün Dövlət Sosial Müdafiə Fondunun (DSMF) fərdi uçot sistemində qeydiyyata alınan əcnəbilərin sayı 2.2 faiz artaraq 17 475 nəfərə yüksəlib. Hesabat dövründə əlavə olaraq 377 nəfər əcnəbi vətəndaş qeydiyyata alınıb.
Fondun məlumatına görə, sosial sığorta sistemində fərdi şəxsi hesabı olan əcnəbilərin 89.7 faizini kişilər, 10.3 faizini isə qadınlar təşkil edir.
Ümumilikdə 101 ölkənin vətəndaşlarını əhatə edən əcnəbilər arasında ən yüksək say göstəricisi Тürkiyə vətəndaşlarına (10 063 nəfər) məxsusdur. Ardınca Gürcüstan (1 912 nəfər), Rusiya (919), İran (570), Hindistan (432), Çin Xalq Respublikası (417), Böyük Britaniya və Şimali İrlandiya Krallığı (257), Özbəkistan (202) Banqladeş Xalq Respublikası (190) Pakistan (158) gəlir.
Ölkədəki əcnəbilərin icbari sosial sığortaya cəlb edilməsi 2006-cı ilin yanvarında başlayıb.
Miqrasiya Mərkəzi QHT-nin rəhbəri Əlövsət Əliyevin sözlərinə görə, əmək miqrantlarının sayı on minlərlədir. Onların çoxu qeyri-leqaldır. Profil nazirliyinin əmək müfəttişliyi və Dövlət Miqrasiya Xidməti müəssisələrdə 200-300 qeydiyyatsız əmək miqrantı aşkarlayanda işəgötürəni bir fakt üzrə cərimə edir. Bu, işəgötürənə də sərfəlidir, onlar DSMF-yə ayrmalarda qənaət edir.
2013-cü ildə Dövlət Miqrasiya Xidmətinə 70 min nəfər müraciət edib. Onların çoxuna rədd cavabı verilib. Yəni 7 potensial miqrantdan 5-i rədd cavabı alıb, cərimələnib və ya deportasiya olunub. Cərimə Xidmətə sərfəlidir, çünki vəsaitin 4-də biri onun sərəncamına daxil olur. Bundan başqa, ölkəyə İrandan qaçan çoxlu azərbaycanlı gəlir. Onların hətta “yol xəritəsi” yoxdur. Gürcüstandan gələn azərbaycanlılar da eyni vəziyyətdədir, onlar Azərbaycan vətəndaşlığı ala bilmir. Eyni zamanda, onların Bakıda daşınmaz əmlakı var, burda qeydiyyatı var, uşaqları orta və ali məktəblərdə oxuyur, hətta ordumuzda xidmət edirlər. --17D—
-
- İqtisadiyyat
- 24 Aprel 2014 11:15
-
- İqtisadiyyat
- 24 Aprel 2014 11:31
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz