Fərdi yaşayış evlərinin qeydiyyatı problemini həlli yolları göstərilib

Bu gün Bakıda keçirilən “dəyirmi masa” formatında konfransda fərdi yaşayış evlərinin qeydiyyatı problemi müzakirə edilib.

 «Şəffaflıq Azərbaycan» Korrupsiya ilə Mübarizə İB-nin icraçı direktoru Rəna  Səfərəliyeva qeyd edib ki, Şəhərsalma və Tikinti Məcəlləsinin (ŞTM) qəbulu ilə icazə prosedurları ilə bağlı problemlərin çoxu həll edilib. Amma çətinliklər və həll edilməmiş məsələlər qalır, bu isə korrupsiya riski yaradır.

USAİD tərəfindən maliyyələşdirilən Azərbaycan Şəffaflıq Tərəfdaşlığı layihəsi çərçivəsində ŞTM qüvvəyə minəndən sonrakı vəziyyət analiz edilib və onun əsasında problemlərin həlli üçün tövsiyələr hazırlanıb.

Məcəlləyə əsasən, 12 metrdən hündür olmayan evlər üçün icazə sistemi ləğv edilib. Yerli İH orqanına məlumat vermək kifayətdir. Müstəqil ekspert Hafiz Həsənov deyib ki, müfəssəl planlaşdırılması olmayan yerlədə yaşayan vətəndaşlar arxitektura planlaşdırılmasının tərtibində çətinlik çəkirlər. «Tələblərə əsasən, arxitektura planlanması lisenziyalı memar tərəfindən hazırlanmlıdır. Amma praktikada bununla yerli İH əməkdaşları məşğul olur», deyə ekspert qeyd eidb.

Həmçinin təklif edilir ki, sadələşdirilmiş icazə mexanizmi tətbiq edilən fərdi evlər və bağ evlərinin dövlət qeydiyyat üçün sənədlərin sayı azaldılsın.

Azərbaycanda müxtəlif səbəblərdən evlərini sənədləşdirə bilməyən vətəndaşlar çoxdur. Ona görə bələdiyyələr onları əmlak vergisinə cəlb edə bilmir. Onların qeydiyyata alınması büdcəyə xeyli vəsait gətirə bilər. «Şəffaflıq Azərbaycan» təşkilatı hesab edir ki, bu probelim həlli üçün xüsusi komissiya yaradılmalıdır.

Təkcə Bakıda paralel olaraq mülkiyyət hüququ tanınmayan 500 minə yaxın tikililər var. “2011-ci ilin mart ayında dövlət başçısı hökumətə bunu araşdırmağı, bu problemin həlli üçün təkliflər hazırlamağı tapşırıb. Bununla belə indiyə qədər bu problem aradan qaldırılmayıb”, - deyə Hafiz Həsənov qeyd edib. Hazırlanan təkliflərə əsasən, bu “Qordi düyünü” həmin binaların çoxu üçün yalnız torpağa mülkiyyət hüququ sənədi və layihə sənədləri verməklə həll oluna bilər. Eyni zamanda, belə mülkiyyət hüquqlarının leqallaşdırılması üçün hüquqi bazanın formalaşdırılması tələb edilir.

Fərdi evlərə hüquqların qeydiyyata alınmasının tənzimlənməsinə dair tam təkliflər paketi hökumətə təqdim ediləcək.

“Dəyirmi masa”nın işində dövlət strukturlarının, ictimai təşkilatların nümayəndələri iştirak edib. 08C