Bu ilin aprelində qiymətli kağızlarla bağlı birjadan kənar əməliyyatların həcmi 3 180,8 min manat təşkil edib. Bu da dörd ay ərzində ikinci əl korporativ QK bazarının birja platformasında olduğundan 11% çoxdur.
Birjadan kənar əməliyyatlar barədə məlumatların açıqlanması funksiyası Qiymət Kağızlar üzrə Dövlət Komitəsi tərəfindən BFB-a həvalə olunub. BFB-nın məlumatına əsasən, apreldə birjadan kənar iqtisadiyyatın qeyri-maliyyə və qeyri-sənaye sahələrinə aid müəssisələrin 42 784 ədəd səhmi alqı-satqı predmeti olub. Bu əməliyyatların ümumi məbləği 3 150 min manat təşkil edib.
Fond birjasında insayder əməliyyatlarının açıqlanması funksiyası da BFB-nın üzərinə qoyulub.
Ancaq 2012-ci ilin dekabrından birja bir dəfə də olsun oxşar informasiya yaymayıb.
Qeyd edək ki, birjadan kənar əməliyyatlara görə depozitar xidmətlər birja əməliyatlarına görə komissiyalardan iki dəfə artıqdır.
Ancaq informasiyanı ictimaiyyətdən gizlətmək üçün əməliyyatların tərəfləri birjadan kənar platformaya üstünlük verir.
2011-ci ilin avqust ayından qüvvədə olan adlı investisiya qiymətli kağızlara dair əməliyyatların həyata keçirilməsi qaydalarına əsasən, birja tərəflər barədə məlumatdan başqa birjadan kənar əməliyatlar barədə bütün məlumatları təqdim etməlidir. Ancaq 2012-ci ilin mart ayından birja bu informasiyanı gizlədir. BFB-nın qanunsuz əməli barədə məhkəmə qərarı olsa da, o icra olunmur. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz