Bu il Azərbaycan hökuməti fermerlərə 9565 ton mineral gübrə satıb.
Hökumətin qərarına əsasən, 2007-ci ildən gübrələrin qiymətinin bir hissəsi idxalçı şirkətlərə dövlət büdcəsindən ödənilir.
Bu günlərdə Kənd Təsərrüfatı Subsidiyaları üzrə Dövlət Komissiyasının iclası keçirilib. Orada qərara alınıb ki, 8 şirkətə gübrələrin 50% güzəştlə satılması üçün 2 275,1 min manat ödənilsin. 6759 nəfər istehsalçıya 49025,72 hektar sahə üçün gübrə satılıb. Bu barədə Turan-a Kənd Təsərrüfatı Nazirliyində bildiriblər.
Dövlətstatkoma görə, Azərbaycanda torpaq sahələrinin mineral gübrələrlə zənginləşdirilməsi səviyyəsi aşağıdır. Əgər 1985-ci ildə 1 ha torpağa 166 kq gübrə verilirdisə, 2010-2011-ci illərdə bu göstərici 18 və 12 kq olub. Güzəştli satışa baxmayaraq, fermerlər mineral gübrələrin bahalığından şikayət edirlər. --08B—
İqtisadiyyat
-
BMT-nin İqlim Dəyişiklikləri üzrə Çərçivə Konvensiyasının 29-cu Tərəflər Konfransı (COP29) iqlim dəyişikliyinə qarşı qlobal vahid cavab istiqamətində əhəmiyyətli bir addım atdı. Bakıdakı müzakirələrin ilk günündə iştirakçı ölkələr karbon kreditlərinin yaradılması və ticarəti qaydaları üzrə tarixi razılıq əldə etdilər. Bu qərar, BMT-nin nəzarətində olacaq çoxmilyardlıq karbon kreditləri bazarının gələn il kimi erkən bir vaxtda işə salınmasına yol açır.
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
Rəy yaz