Elmi Tədqiqat Travmatalogiya və Ortopediya Institunun inzibati korpusunda əsaslı təmir işləri aparılır. Burda qeyri-adi heç nə yoxdur, ancaq bir “əmma” var. Təmir həkimlərin hesabına aparılır.
Həkimlərdən biri Turan-a bildirib ki, hər bölmə müdirinə (cəmi 10 bölmə var) istifadəsində olan ərazini təmir etmək tapşırılıb. Orta hesabla bu, bir həkimə 500 manata başa gələcək. Amma onların aylıq maaşı bundan iki dəfə azdır.
İnstitutun direktoru Vaqif Verdiyev bu faktı Turan-a təsdiq edib. Onun sözlərinə görə, institutun binası son dəfə 8 il əvvəl təmir edilib. 2015-ci ildə təkrar təmir ediləcək. «İndiki təmir kosmetik xarakter daşıyır», deyə o bildirib.
Səhiyyə Nazirliyinin mətbuat xidmətinin rəhbəri Anar Qədirli Turan-a bildirib ki, Səhiyyə Nazirliyinin tabeliyində olan xəstəxanaların büdcə vəsaiti var, ondan təsərrüfat məqsədi ilə istifadə edilir. Ona görə həkimlərin bu işə cəlb edilməsi qanunsuzdur. O, vəd edib ki, məsələni araşdıracaq.
2007-2008-ci illərdə Elmi Tədqiqat Travmatalogiya və Ortopediya Institunun təmirinə dövlət büdcəsindən 2,8 mln manat xərclənib.
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz