Həyat sığortası mükafatları artır

Dövlət Sığorta Nəzarəti Xidmətinin məlumatına görə, yanvar-mayda istehsalatda bədbəxt hadisələr və peşə xəstəlikləri nəticəsində peşə əmək
qabiliyyətinin itirilməsi hallarından icbari sığorta çərçivəsində 18,77 mln manat mükafat yığılıb. Bu, ötən ilin eyni dövründəkindən 14% çoxdur. Həyat sığortası üzrə ümumi mükafatlar 57,33 mln manat təşkil edib. Bu, bazardakı ümumi mükafatların (207,63 mln manat) 27,6%-dir. Aprelin sonunda bu göstərici 22,6% idi.

Azərbaycanda istehsalatda bədbəxt hadisələr və peşə xəstəlikləri nəticəsində peşə əmək
qabiliyyətinin itirilməsi hallarından icbari sığorta xidməti göstərmək hüququ olan 3 şirkət var. 

Maliyyə Nazirliyinin məlumatına görə, ölkədə fiziki şəxslər də daxil yarım milyon sahibkar var. Onların beşdə biri real məşğulluğu təmin edir. Bütün təbii inhisarlar və iri biznesmenlər sığorta şirkətləri ilə müqavilə bağlayıb.

“İstehsalatda bədbəxt hadisələr və peşə xəstəlikləri nəticəsində peşə əmək
qabiliyyətinin itirilməsi hallarından icbari sığorta haqqında qanun” 2010-cu ilin iyununda təsdiqlənib. 17 dekabrda Maliyyə Nazirliyi normativ-hüquqi sənədləri təsdiqləyib.
2010-cu ilin noyabrında Nazirlər Kabineti tarifləri təsdiq edib. Burada 14 risk dərəcəsi nəzərdə tutulub. Müəssisələrdə qulluqçu və işçilər üçün sığorta tarifi müəyyən edilib. Müəssisənin risk dərəcəsindən asılı olaraq, 0, 0,2%-2%-dir. Qanuna əsasən, sığorta tarifi müəssisənin əmək haqqı fonduna köçürülür. Sığorta ödənişinin 3 növü var: aylıq, birdəfəlik, əlavə.
Bundan başqa, hər il dövlət büdcəsinin xərclər hissəsində istehsalatda bədbəxt hadisələrlə bağlı 10 mln manat nəzərdə tutulur. --17D—