Azərbaycanın ən böyük holdinqlərindən olan “Gilan Holding” korporativ saytını işə salıb. Orda 50-dən çox aparıcı törəmə strukturların fəaliyyəti əksini tapıb.
1992-ci ildə yaradılan holdinq şirkəti Azərbaycanda iri layihələrə sərmayə yatırır, «ölkə iqtisadiyyatının dünya bazarında iştirakını» təmin edir. “Gilan Holding”in saytında belə deyilir. Holdinqin təsisçisi BƏƏ qeydiyyatdan keçən iki şirkətdir. Bunlar (SAHRA FZCO – 51%, SHAMS Al. SAHRA FZCO – 49%), “AFB Bank”ın (holdinqin törəməsi) hesabatına görə, Tale və Nicat heydərov qardaşlarına məxsusdur.
"Gilan Holdinq" əsas biznes sahələri inşaat, tikinti materialları istehsalı, turizm, ərzaq istehsalı, otel biznesi və s-dir. Holdinqin müəssisələri nəqliyyat və logistika, ticarət, sığorta və bankçılıq, alternativ energetika, daşınmaz əmlak və s ilə də məşğuldur. Bakı və regionlarda 11 otel holdinqə məxsusdur. Hazırda Bakıda “Crescent” göydələni tikilir. Buraya “Crescent Hotel”, “Crescent City” biznes mərkəzi, "Crescent Place" yaşayış və ticarət-əyləncə mərkəzi daxildir.
Şirkət həmçinin idman klublarının, stadionların və təsislərin qurulmasına sərmayə qoyur. Holdinqin ölkə xaricində də filial şəbəkəsi var. Bunlardan biri “United Enterprises International” (UEI) MMC-dir. O, Azərbaycan məhsullarını beynəlxalq səviyyədə təşviq edir. 2008-ci ildə yaradılan UEI sənaye, kənd təsərrüfatı, tikinti, energetika, maliyyə, daşınmaz əmlak və turizmə investisiya qoyur və idarə edir.
Holdinq aktivlərinin ümumi həcmini açıqlamır. “AFB Bank” ASC-nin maliyyə hesabatına əsasən, 2014-cü il oktyabrın əvvəli üçün aktivlərinin həcmi 312 mln manat, Azsığorta” ASC-nin aktivləri (31 dekabr 2013) 63 mln manat olub.
Azərbaycanda holdinq və korporasiyaların kapitallaşma və aktivlərin həcmi üzrə renkinqi yoxdur. Ən böyük holdinqlər bunlardır: “Pasha Holding”, “Azersun Holding”, “Gilan Holding”, “Akkord”, “Synergy Group”, “AtaHolding”, “Garant Holding “, “Avesta”, “AB Standard”, “MKT İK”, “Azenco Group”, Azərbaycan Beynəlxaql Bankı və s. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz