Icbari Tibbi Sığorta üzrə Dövlət Agentliyinin əsasnaməsinə düzəlişlər təsdiqlənib

Icbari Tibbi Sığorta üzrə Dövlət Agentliyinin təkcə işçi aparatı deyil, həm də regional idarələri olacaq.

Bu, Azərbaycan Nazirlər Kabinetinin 301 saylı qərarı ilə mümkün olub. Qərarda “İnzibati orqanın təsnifatı haqqında” qərara və onun fəaliyyətinə dair  düzəlişlər təsdiqlənib.

Xatırladaq ki, “İcbari tibbi sığorta haqqında” qanun layihəsi 2006-cı ildə Dünya Bankının (WBG) bir qrup ekspertinin iştirakı ilə hazırlanıb və Azərbaycan Nazirlər Kabinetinə təqdim edilib. Bundan öncə analoji adla sənəd 1991-ci ildə qəbul olunmuşdu və fəaliyyətsiz idi.

İTS-nin əsas vəzifəsi tibbi xərclərin yükünü pasiyentin üzərindən ixtisaslaşmış agentliyin üzərinə qoymaqdır. Sığortanın bu növünün real tətbiqi bir çox məsələnin həllinə konseptual yanaşma tələb edir.

Bunlar İTS sisteminin maliyyə mənbələri (bu, dövlət büdcəsi və İTS Fonduna məcburi üzvlük haqları da ola bilər), baza paketinin həcmi (zəmanətli  pulsuz xidmətlər), müalicə alqoritmlərinin təsdiqi, tibbi xidmətlərin qiymətinin müəyyən edilməsi, maddi-texniki və kadr resurslarının səmərələşdirilməsi və bəzi başqa məsələlər ki, bunların həlli olmadan İTS-nin tətbiqi mümkün deyil.

Ekspertlərin fikrincə, Azərbaycanda İTS-yə keçiddən sonra icbari və könüllü tibbi sığortanın inteqrasiya olunmuş sxemi fəaliyyət göstərməlidir. Hər kəsin baza paketini genişləndirmək (öz ödənişi ilə əlavə şərtlər daxil olmaqla), həmçinin özəl klinikalar arasında seçim etmək imkanları olmalıdır. Bundan ötrü könüllü tibbi sığorta da olmalıdır. Bundan əlavə, əgər İTS baza xidmətlərinin müəyyən hissəsini ödəyəcəksə KTS polisinin qiyməti bu ekvivalentdə endirilə bilər. Bu isə öz növbəsində könüllü tibbi sığorta istəyənlər və bunun üçün imkanı olanların sayını artıra bilər.

Məlumdur ki, hazırda bu növ üzrə sığortalanan vətəndaşların sayı əhalinin 1%-dən çox deyil. Odur ki, tibbi sığortanın imkanları yumşaq desək, nəinki tükənməyib, həm də lazımınca inkişaf etməyib. 17D—