Bu gün parlamentin iclasında “Ümid” partiyasından deputat İqbal Ağazadə bildirib ki, ölkənin iqtisadi inkişafı barədə deyilənlər əsassızdır.
Onun sözlərinə görə, hər vətəndaşa tibbi yardım çərçivəsində 74 manat düşür. Buraya tibbi avadanlıq alınması, çarpayılar, tibb heyətinin ödənişi daxildir. İcbari tibbi sığorta olmadığı üçün pullar məmurların cibinə gedir.
Ölkədə müəllimlərin maksimum 24 saat dərs yükü olur, bir stavka üçün (18 saat) onlar 168 manat alır. Müəllimlər əsasən 1 stavka işləyir, ayrı-ayrı rayonlarda 2 - 2,5 stavkanın pulunu alır, amma kommunal xidmət pulunu özələri ödəyirlər. Olimpiya çempionunun birdəfəlik mükafatı qədər qazanmaq üçün müəllim 198 il işləməlidir. Karbohidrogenlərin qiyməti ucuzlaşsa, Azərbaycan uzunmüddətli böhrana hazır deyil, SSRİ ona görə yıxıldı ki, əvvəlcə süni şəkildə barrelin qiyməti $28-a qaldırıldı, sonra 14-ə salındı. Əgər dünya birliyi bu yolla iri neft ixracatçılarına təsir etmək istəsə, Azərbaycan bu risk qarşısında dura bilməyəcək. Ona görə real iqtisadiyyatı inkişaf etdirmək lazımdır. Özü də inflyasiya prosesinə təkan verən, ölkənin iqtisadi inkişafını tormozlayan inhisarçılarla kağız üzərində yox, konkret şəkildə mübarizə aparmaq lazımdır. --17D--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz