Azərbaycan Mərkəzi Bankı manatı daha 0,14% möhkəmləndirib. Oktyabrın 5-nə dolların rəsmi məzənnəsi 1,6115 AZN təşkil edəcək.
Oktyabrın 4-də məzənnə 1,6138 AZN.
Yayda dolların məzənnəsi bahalaşdıqdan sonra hökumət milli valyutanın ucuzlaşmasının qarşısını almağa başladı. Sentyabrdan etibarən Mərkəzi Bank müntəzəm olaraq manatı möhkəmləndirir.
Sentyabrın 9-da dolların məzənnəsi 1,6403 AZN-ə çatıb, bundan sonra Mərkəzi Bank və Dövlət Neft Fondu bir neçə böyük valyuta müdaxiləsi edib.
Amma mütəxəssislər hesab edirlər ki, noyabr-dekabr aylarında şirkətlərin və bankların xarici borclarını ödəməsi ilə əlaqədar xarici valyuta tələbatı artacaq. -71D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz