Metallurgiya sənayesində geriləmə 4% təşkil edib

Yeni metallurgiya müəssisələrinin istismara verilməsi və istehsal gücünün artırılması fonunda rəsmi statistika bu sahənin bu ilin üç rübü ərzində 4% gerilədiyi barədəd məlumat verir.

Hesabat dövründə 158,5 min ton armatur istehsal edilib, bu da 2013-cü ilin müqayisə edilən dövründən 7,4% azdır. 100 min tondan artıq istehsal həcmlərinin olmasına baxmayaraq, çuqun tökülməsi istehsalı cəmi 1017 ton təşkil edib, bu da ötən ildən 33,1% azdır. Polad borularının istehsalı iki dəfədən artıq azalıb. Ölkədə ilin əvvəlindən 24,4 min ton boru istehsal edən azı üç boru müəssisəsi fəaliyyət göstərir.

Dövlət Statistika Komitəsinin məlumatına görə, ilin əvvəlindən ölkədə polad prokat istehsalı 245 min ton istehsal edib. 2013-cü ilin analoji dövrü ilə müqayisədə polat əritməsi 78% artıb. Bu ilin yayında “Baku Steel Company” MMC istehsal gücünün ildə 770 min tondan 1,1 mln tona qədər artırılacağını elan etdi. Şirkət bu ildən demək olar qara tikinti metalprokatının bütün sortimentin istehsal edir. Ancaq statistik hesabatlarda, həmçinin onların həcmlərində bu fakt göstərilmir.

Maraqlıdır ki, bu il Azərbaycandan qara metallurgiya məhsullarının ixracı 60% azalaraq $32,5 mln manat təşkil edib. Dövlət Gömrük Komitəsinin 2014-cü ilin 9 ayı üçün açıqladı hesabatda paralel olaraq onların idxalı da azalıb (-22,9%) və $696 mln təşkil edib.

2012-2013-cü illərdə Azərbaycanda güc yolu ilə qara metal prokatı istehsal edən 20 müəssisə bağlanıb. Ancaq hüquq mühafizə orqanları bu müəssisələrin rəhbərlərinin şikayətlərinə baxmayıb. Qara metallurgiya məhsullarının ixrac həcmlərinin azalması, həmçinin idxal tendensiyası daxili bazarda inhisarçı tendensiyaların formalaşmasından xəbər verir. 08B