Milli Məclisin iclasında

Milli Məclisin bugünkü iclasında Azərbaycan və İranın dəmir yollarının koordinasiyası haqqında saziş təsdiq edilib.

İqtisadi məsələlər üzrə komitənin rəhbəri Ziyad Səmədzadənin sözlərinə görə, sənəd “Şimal-Cənub” dəmir yolu layihəsi çərçivəsində işləri sürətləndirəcək.

Sazişə əsasən, Astaradan İran sərhədinə 8,3 km dəmir yolu çəkilməli, İranda Qəzvin-Rəşt yolunun tikintisi başa çatdırılmalı və  Rəşt-Astara (164 km) yolu çəkilməlidir.

Hər iki ölkədə yük terminalı və buraxılış məntəqələri tikilməli, Astara – Astara sahəsi birgə istifadəyə verilməlidir.

Bundan başqa, Bakı-Astara-Rəşt-Qəzvin-Təbriz-Culfa-Naxçıvan marşrutu ilə yük daşınması üçün şərait yaradılmalı, Naxçıvandan Məşhədə sərnişin marşrutu təşkil edilməlidir.

İclasda  "Kənd təsərrüfatı kooperasiyası haqqında" və “Elm haqqında” qanun layihələri üçüncü oxunuşda qəbul edilib. Aqrar siyasət komitəsinin rəhbəri Eldar İbrahimovun sözlərinə görə, sahibkarların kooperasiyası aqrar sənayenin inkişafına kömək edəcək. --17D—