Nazirlər Kabineti iyunun 6-da №182 qərarı ilə minimal istehlak səbətinin tərkibinə yenidən baxıb. Səbətin tərkibi 2005-ci ilin iyununda təsdiq edilib, 2009-cu ildə yenidöən baxılıb. Qərar 1 yanvar 2015-ci ildən qüvvəyə minir.
Yeni səbətin tərkibinə 12 adda ərzaq malları və mal qrupu, 10 adda qeyri-ərzaq malları və 10 pullu xidmət daxildir.
Əmək qabiliyyətli əhali üçün çörək və çörək məhsullarına illik minimal tələb 150-dən 136,8 kq-a endirilib. Yağ miqdarı 1 kq azaldılıb (7 kq), bitki yağı, marqarin və piy 100 qr azaldılıb (10,9 kq).
Kartof və tərəvəzə minimal tələbat 46,7 və 95,7 kq-dan 54,8 və 97,2 kq-a endirilib. Meyvə və giləmeyvə norması dəyişməyib – 38 kq.
Ət və ət məhsulları (+2,9 kq), мsüd və süd məhsulları (+40 litr), balıq və balıq məhsulları (2,7 kq) norması xeyli artırılıb. Bu məhsullar üzrə minimum 32,9 kq, 223,6 l və 7,7 kq olacaq.
Səbətə 15 yumurta əlavə edilib və bu norma 150 ədədə çatdırılıb.
Şəkər və qənnadı məmulatı tələbatı 16,9 kq müəyyən edilib. Bu, əvvəlkindən 600 q çoxdur.
Qeyri-ərzaq malları üzrə minimum dəyişməyib.
Nəqliyyatda gediş sayı 606-dan 692-yə artırılıb. Pensiyaçılar üçün bu göstərici dəyişməyib (gündə 1 dəfə). Uşaqlar üçün ildə 370-dən 406-ya artırılıb.
Dövlətstatkom hər ilə səbətin qiymətini KİV-də açıqlamalıdır. 2013-cü ildə bu göstərici 119 manat, yaşayış minimumu 116 manat olub. Minimal istehlak səbətinin qiyməti ölkədə yoxsulluğun göstəricisidir. 08D
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz