Bu ilin 4 ayında Naxçıvan əhalisinin (440 min nəfər) gəlirləri ötən ilin eyni dövrü ilə müqayisədə 2,8% artaraq 448,1 mln manat olub.
Naxçıvan Statistika İdarəsinin məlumatına görə, ilin 4 ayında adambaşına gəlirlər 1028 manat və ya ayda 257 manat olub. Dövlətstatkoma görə, ölkə üzrə əhalinin gəlirləri 327,7 manat olub.
Müqayisəli təhlil və başqa iqtisadi indikatorlarla müqayisə NMR əhalisinin rifahı barədə göstəriciləri şübhəyə alır. DSK-nın 2013-ci il üçün ev təsərrüfatı tədqiqatlarına görə, muxtariyyatda adambaşına aylıq gəlirlər 219,7 manat olub. Bu, ölkə üzrə orta göstəricidən 5 manat çoxdur. Ən çox gəliri Bakı sakinləri əldə edib – ayda 240 manat. Həmin tədqiqatlara görə, NMR əhalisinin 26,8%-i 200 manatdan çox qazanır. Bakıda bu göstərici 43%-dir.
Naxçıvan əhalisinin bank əmanətləri 1 aynvar 2014-cü il üçün 5 mln 71 min manat təşkil edib. Bu, ölkə göstəricisindən xeyli azdır: 1 aprel üçün ölkə əhalisinin bank əmanətləri 6,7 mlrd manat olub.
Yerli mənbələr bildirir ki, NMR-da büznesin az qala hamısı NMR Ali Məclisinin sədri Vasif Talıbovun ailəsinin əlində cəmləşib. O, oğulları (Rza və Seymur) və türkiyəli şərikləri ilə 4 holdinqə sahibdir – “Gəmiqaya”, “Dizayn”, “Nəqşicahan” və “Cahan”. Müxalifətçilərin fikrincə, Naxçıvan əhalisinin yarısı bu ərazidə yaşamır, qazanc üçün Bakıya və qonşu ölkələrə gedib. 08B
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz