![Neft Fondu «Cənub qaz dəhlizi» QSC-nin $900 mln-dan artıq borc kağızlarını alacaq](https://turan.az/resized/750/500/resize/media/2014/main/050200077387.jpg)
- İqtisadiyyat
- 2 May 2014, 14:42
- 77
Neft Fondu «Cənub qaz dəhlizi» QSC-nin $900 mln-dan artıq borc kağızlarını alacaq
Azərbaycan Dövlət Qiymətli Kağızlar Komitəsi «Cənub Qaz Dəhlizi» QSC-nin 917 320 800 dollar dəyərində təmin olunmamış, faizli, adlı, sənədsiz istiqrazlarının emissiya prospektini qeydiyyata alıb. Bu barədə Bakı Fond Birjasının (BFB) məlumatında deyilir.
Emissiya çərçivəsində hər birinin nominal dəyəri 100 dollar olan 9 173 208 istiqraz buraxılıb. Yerləşdirmənin anderrayteri kimi "PSG-Broker" MMC çıxış edir.
İstiqrazların dövriyyə müddəti 10 ildir, gəlirlilik olduğu halda – altıaylıq Libor +1 faiz. Faizlərin ödənməsi hər yarm ildən bir həyata keçiriləcək.
Fevralda prezident İlham Əliyev «Şahdəniz» qazkondensat yatağının ikinci mərhələsinin layihələrinin effektiv idarə edilməsi, Cənubi Qafqaz qaz kəmərinin, Transanadolu (TANAP) və Transadriatik (TAP) qaz kəmərlərinin genişləndirilməsi üçün QSC-nin yaradılması barədə sərəncam imzalayıb. QSC-də iştirak payının 51 faizi dövlət mülkiyyətində, 49 faizi – SOCAR-da (Azərbaycan Dövlət Neft Şirkəti) olacaq.
Azərbaycan Dövlət Neft Fonduuna (ARDNF) birbaşa dövlət mülkiyyətində olan QSC-də pay iştirakını maliyyələşdirməni təmin etmək tapşırılıb.
Pay iştirakının maliyyələşdirilməsi üçün cəmiyyətə təqdim ediləcək vəsaitlər qaytarılma şərti ilə uzun müddətli investisiyalar şəklində təmin ediləcək. «Cənub Qaz Dəhlizi» - Avropaya karbohidrogen nəqlini mənbələrini diversifikasiya etməyə və enerji təhlükəsizliyini artırmağa, Azərbaycana isə Avropanın timsalında yeni bazar əldə etməyə imkan verən layyihədir.
2013-cü ilin dekabrın 17-də azərbaycanın dəniz qaz-kondensat yatağı «Şahdəniz»in işlənilməsinin ikinci mərhələsi ilə bağlı yekun investisiya qərarı qəbul edilib, bu yataqdan 10 mlrd kubmetr həcmində qaz Avropa bazarına gedəcək.
1,2 trln kub metr sübut olunmuş ehtiyatlarla «Şahdəniz» dəniz yağatının işlənilməsinə dair müqavilə 1996-cı ilin iyunun 4-də imzalanıb.
«Şahdəniz» yatağının işlənilməsinə dair tərəfdaşlar 16,7% pay iştirakı ilə SOCAR, Britaniyanın BP (28,8%), Norveçin Statoil (15,5%), İranın NICO (10%), Fransanın Total (10%), Rusiyanın LUKoil (10%), Türkiyənin TPAO (9%) şirkətləridir. –0--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz