Noyabr ayinda İMB-da qiymətlər sabit qalib
Noyabr ayında İlkin Mənzil Bazarında (İMB) qiymətlər sabit olaraq qalıb. Eyni vəziyyət Respublikanın digər böyük şəhərlərində də müşahidə edilmişdir. Noyabr ayında İMB-da orta qiymət indeksi 1 kv/metr üçün 886 manat civarında qərarlaşıb. Ötən rübün müvafiq dövrü ilə müqayisədə qiymət dəyişməsi 2,6 %, ötən ilə nisbətdə isə 11,3 % artımla yadda qalıb. 2008-ci ilin sentyabr ayı (böhran dövrü) ilə müqayisədə isə qiymət azalması 25,8% təşkil edib. Qeyd edək ki, həmin dövr üçün 1 kv.metr mənzilin qiyməti 1194 manat olub.
Ay ərzində ən cəlb edici rayonlar Yasamal, Xətai və Nəsimi rayonları оlmuşdur. Qeyd edilən üç rayon üzrə tikintisi aparılan binaların ümumi tikinti portfelindəki payı bazarın 2/3 hissəsini təşkil edib. Digər rayonlar üzrə tikintinin həcmində hər hansı ciddi dəyişiklik baş verməyib. Son bir ayda bazarda təklif olunan yeni tikililərin sayı 398, tikinti şirkətlərinin sayı isə-126 olub. Noyabr ayında satışda olan yеni tikililərdə 3-4 оtaqlı mənzillər daha çох üstünlük təşkil еdib. 5-оtaqlı mənzillər əsasən şəhərin 1 zоnasının, 1-оtaqlı mənzillər isə daha çох 3-cü zоnanın payına düşüb. Qeyd etmək lazımdır ki, 1-otaqlı mənzillərin orta sahəsi 60,7 kv.m, 2 otaqlılarınkı 92,1 kv.m, 3-otaqlılarda 131,8 kv.m, 4-otaqlılarda 182,9, 5-otaqlılarda isə 238,3 kv. metr təşkil edib.
Ekspertlər hesab edirlər ki, İlkin Mənzil Bazarındakı qiymətlərin öz sabitliyini uzun müddət qoruyub saxlamasının əsas səbəbi bazarda inhisarçılıq amillərinin mövcud olmasıdır. Eyni zamanda İMB-da qiymətlərin çox yüksək olması, sənədləşmə və kommunal xidmətlərin yaratdığı problemlər, ipoteka şərtləri üçün əlverişli olmaması və.s kimi səbəblərdə alıcılıq qabiliyyətinə və bazardakı aktivləşməyə mənfi təsir göstərən mühüm səbəblər kimi qeyd olunur. Yaxın günlərdə bazardakı sabitliyin davam edəcəyi proqnozlaşdırılır.
-
- Analitika
- 15 Noyabr 2013 10:27
-
- Bazarların icmalı
- 15 Noyabr 2013 10:43
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz