Ölkənin ötən ilki dövlət büdcəsinin icrası deputatlar tərəfindən qəbul edilib

Milli Məclisin bu günki iclasında deputatlar Maliyyə Nazirliyinin hazırladığı «2013-cü il dövlət büdcəsinin yerinə yetirilməsi haqqında» AR qanun layihəsini təsdiqləyib.

Əsas göstəricilər və tendensiyalarla bağlı parlamentin İqtisadi siyasət komitəsinin sədri Ziyad Səmədzadə çıxış edib.

Məruzəçinin sözlərinə görə, sənəd Konstitusiyanın 96-cı maddəsi və AR «Büdcə sistemi haqqında» qanununun 20.3-cü maddəsinə uyğun hazırlanıb və ölkə prezidenti onu təsdiq edəndən sonra qüvvəyə minəcək.

 Büdcənin gəlirləri 19 mlrd 496 mln 329,92 min manat, xərcləri - 19 mlrd 143 mln 492,04 min manat səviyyəsində təsdiqlənib. Profisit 352 mln 837,88 min manat təşkil edib. 2014-cü ilin yanvarın 1-ə vahid xəzinə hesabındakı qalıq (960 mln 408,1 min manat) defisitin örtülməsinə və dövlət borcunun təminatına yönəldiləcək.

Gəlirlərin əsas hissəsi (68,9% yaxud 11,35 mlrd) Dölvtə Neft Fondundan (ARDNF) transfertlər hesabına daxil olub. Əlavə dəyər vergisi daxil olmaların 2 mlrd 709 mln 997 min 684 manatını təmin edib (ƏDV-ə görə ən böyük pay idxal edilən məhsulara görədir- 986,08 mln). Hüquqi şəxslərin gəlir vergisi- 2 mlrd 374 mln 797,98 min manat, fiziki şəxslərin gəlir vergisi - 859 mln 678,45 min manat təşkil edib. İri mövqelər arasında - aksiz yığımları -  593,31 mln, gömrük rüsumları - 298,25 mln, hüquqi şəxslərin əmlak vergisi - 125,15 mln, yataq vergisi- 121,48 mln, sadələşdirilmiş vergi - 119,54 mln manat olub. Azərbaycanda istehsal olunan müqavilələrlə tənzimlənən malların maya dəyəri ilə topdan satış qiymətləri arasındakı fərqə görə daxil olmalar 370,56 mln, «digər vergi yığımları» - 269,6 mln, dölvtə rüsumu - 123,56 mln, digər daxil olmalar- 65,26 mln manat təşkil edib.

 Əsas çəkisi olan xərc maddələri - investisiya layihələrinə olan xərclər (6 mlrd 913 mln 798,22 min manat) i «əsas istiqamətlərdən kənar xidmətlər» (2 mlrd 684 mln 442,04 min manat) təşkil edib, burda xüsusi hərbi layihələrə xərclər 1,16 mlrd manat təşkil edib. Digər xərclərə keçmiş SSRİ Əmanət Bankının əmanətçilərinə kompensasiyalar - 324 mln. manat və 140 mln manat təbii fəlakətdən zərər çəkənlərə kompensasiyalar təşkil edib.

 Sosial ödəmələrə 1,75 mlrd manat ayrılıb, onlardan 1,08 mlrd (61,7%) - Dövlət Sosial Müdafiə Fondunun ehtiyaclarına ARDNF-dan transfertlər təşkil edib.

Təhsil Nazirliyi 1 mlrd 437,72 mln, Səhiyyə Nazirliyi - 618 mln 938,37 min manat alıb.

Dövlət borcunun təminatına 728,24 mln, İcra hakimiyyəti aparatlarının saxlanılmasına - 349,33 mln, beynəlxalq strukturlarda üzvlüyə- 103,46 mln, elm xərclərinə - 117 mln, Naxçıvan muxtariyyatının dotasiyasına- 277,7 mln. manat sərf olunub.

Bilavasitə müdafiəyə 1 mlrd 484 mln 984,49 min manat ayrılıb, onun 91%-i Müdafiə Nazirliyi, digərləri isə MTN və hərbi araşdırmalar üçün nəzərdə tutulub.

Məhkəmə hakimiyyəti, hüquq mühafizə orqanları və prokurorluq 1,05 mlrd manat, mənzil-kommunal təsərrüfatları - 398,32 mln, «mədəniyyət, o cümlədən idman, incəsənət, informasiya və digər kateqoriyalara düşməyən başqa fəaliyyət» - 274,88 mln manat alıb.

 Ötən il kənd təsərrüfatının və ekologiyanın  ehtiyaclarına 487,89 mln, rabitə və nəqliyyat vasitələrinə- 110,53 mln ayrılıb. İqtisadi inkişafa 275,76 mln. manat, sahibkarlığa yardıma- 201,74 mln, ipoteka kreditləşməsinə- 40 mln. manat sərf olunub. --17D-