![Qanuni vergi, yoxsa rüşvət?](https://turan.az/resized/750/500/resize/media/2016/main/020500145928.jpg)
Qanuni vergi, yoxsa rüşvət?
Ötən ilin sonlarından başlayan iqtisadi dəyişikliklər, gömrük məntəqələrində sadələşdirmələr və bu sistemdəki monopoliyanın ləğv olunmasını sahibkarlığa dövlət dəstəyi kimi qələmə verilir. Bu gün Dövlət Gömrük Komitəsinin mətbuat xidməti gömrük bəyannamələrinin tərtibinə görə xidmət haqqının 70 faiz endirildiyini və qiymətin 50 manat olduğunu bildirib.
Son iki ayda baş verən dəyişikliklər sahibkarların ürəyincədirmi?
Bakının Z.Əhmədbəyov küçəsi İran ərzaqları satan dükanların çoxluğu ilə tanınır. Burda söhbət etdiyimiz iranlı sahibkarlar təşviş içindədir. Dediklərinə görə, ölkədəki devalvasiya insanların alıcılıq qabiliyyətinə mənfi təsirini çox tez göstərdi. Ötən ilin dekabr ayının əvvəlləri ilə müqayisədə sahibkarlar qiymətləri hiss olunacaq dərəcədə artırmalı olublar. Bəzi məhsullar 10, bəziləri isə 40-50 faiz civarında bahalanıb. Alıcıların sayı çox azalıb. Amma onları təşvişə salan təkcə əhalinin alıcılıq qabiliyyətinin aşağı düşməsi deyil, həm də vergilərin yüksək olmasıdır. Sahibkarlar idxal və əlavə dəyər vergisinin həcminin yüksək olmasından narazıdırlar.
“Gömrükdəki dəyişikliklər və Monopoliyanın ləğvinin işinizə hansısa müsbət təsiri varmı” sualımın cavabı da ürəkaçan olmadı. 20 ilə yaxındır ki, Bakıda ticarətlə məşğul olan yaşlı sahibkar deyir ki, “mənə də, dükanımın alıcılarına da elə gömrüyün əvvəlki qaydası daha sərfəliydi. Gömrük 100 dollar rüşvət alırdı, mən rahatlıqla malımı keçirib alverimi edirdim. Alıcı qiymətdən məmnun idi, mən də dövriyyədən. İndi qoyulan qanuni vergilər elə həddədir ki, rüşvət vermək yaxşıymış, deyirik”. Sahibkarların fikrincə, 18 faizlik əlavə dəyər, 15 faizlik idxal vergisi çox ağır yükdür. Onlar ”Prezident sahibkarlara yardım etmək istəyirsə, həm idxal, həm də əlavə dəyər vergisi aşağı salınmalıdır” deyirlər.
“Belə vəziyyət sahibkarlara hansı proqnozu vəd edir, hökumət hansı tədbirlər görməlidir” suallarını biz İqtisadi Araşdırmalar Mərkəzinin eksperti Vahid Məhərrəmova yönəltdik. Onun fikrincə, “hökumət yüksək vergi dərəcələri ilə büdcə vəsaitlərini artırmağa çalışırsa, bu düzgün addım deyil. Vergilərin artırılması qeyri-səmərəli biznesə imkan yaradacaq”. Ekspert çıxış yollarından biri kimi, “ökədə istehsal olunmayan məhsula ƏDV-inin tətbiqi ləğv olunmalıdır” deyir. Onun fikrincə, “bu vergi bizim məhsulların rəqabət qabiliyyətliliyini aşağı salır. Indi sahibkar çox məhsul satmaqla yox, az və baha satmaqla qazanmağa çalışaçaq. Cünki yüksək vergi dərəcələri ilə dövriyyəni artırmaqda heç kəs maraqlı olmayacaq.”
Məlumat üçün: bu ilin yanvarından ƏDV-dən azad olunan məhsulların da siyahısı dəyişdirilib. Və belə məhsulların sayı azalıb.
-
- İqtisadiyyat
- 4 Fevral 2016 19:00
-
- Mədəniyyət
- 5 Fevral 2016 11:34
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz