![«Karlson, Peppi və Emil» Azərbaycan dilində çap olunub](https://turan.az/resized/750/500/resize/media/2016/main/020500145940.jpg)
«Karlson, Peppi və Emil» Azərbaycan dilində çap olunub
Abşeron rayonunun Masazır qəsəbəsində yerləşən məcburi köçkün şəhərciyində məşhur yasıçı Astrid Lindqrenin Azərbaycan dilinə tərcümə edilmiş əsərlərinin təqdimatı olub. Bu barədə İsveçin Azərbaycandakı səfirliyinin məlumatında deyilir.
Kitabların tərcümə və nəşr hüququ “Əli və Nino” Nəşriyyat Evinə məxsusdur. Nəşriyyat Evi Lindqrenin 3 məşhur qəhrəmanı - Karlson, Peppi və Emil haqqında Azərbaycan dilinə tərcümə etdiyi 9 kitabını çap edib.
İsveç səfirliyi, Azərbaycan Qaçqınların və Məcburi Köçkünlərin İşləri üzrə Dövlət Komitəsi, ”Əli və Nino” nəşriyyatının birgə sosial layihəsinin sponsoru TeliaSonera/Azercell şirkətidir.
Azərbaycanın bütün bölgələrini əhatə edən layihə çərçivəsində 610 qaçqın və məcburi köçkün məktəbinin hər birinə A. Lindqrenin 9 ədəd kitabı hədiyyə ediləcək.
Layihə müəllifləri bu aksiyanın qaçqın və məcburi köçkün ailələrindən olan azərbaycanlı uşaqlar arasında oxumaq həvəsini stimullaşdıracağı qənaətindədir.
Səfirlik hesab edir ki, bu layihə İsveçdə Azərbaycanın qaçqın və məcburi köçkünlərinin vəziyyəti haqqında geniş məlumatın yayılmasına kömək edəcək.
“Uşaq ədəbiyyatı üzrə İsveç və azərbaycanlı mütəxəssislər arasında müzakirələrin aparılması, qarşılıqlı maraq kəsb edən layihələrin həyata keçirilməsi Azərbaycan və İsveç arasında mədəni əlaqələrin möhkəmlənməsinə gətirib çıxaracaq”, səfirliyin məlumatında deyilir.
Hazırda Gənc Tamaşaçılar Teatrı ilə A. Lindqrenin əsərləri əsasında teatr tamaşalarının təşkil edilməsi məsələsi müzakirə olunur.
“Əli və Nino ” Nəşriyyat Evinin rəhbəri Nigar Köçəli Turan agentliyinə bildirib ki, kitablarda müəllifin 1945, 1955 və 1964-cü il nəşrlərindəki orijinal illüstrasiyalarından istifadə olunub. Hər biri 1000 nüsxə ilə cap olunan kitabların qalan qismi satışa çıxarılacaq. Nəşriyyat bir kitabın qiymətini 10 manat müəyyənləşdirib.-0-
-
- İqtisadiyyat
- 5 Fevral 2016 11:17
-
- İqtisadiyyat
- 5 Fevral 2016 11:46
Mədəniyyət
-
Alen Delon, cazibədar görünüşü və maqnitik varlığı ilə Avropa kinosunu onilliklər ərzində müəyyənləşdirən Fransız kino ikonu, 88 yaşında vəfat edib. Övladları onun ölümünü bazar günü Agence France-Presse-ə verdikləri açıqlama ilə təsdiqləyib.
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
Rəy yaz