Qazın güzəştli limiti və yaşayış binalarında qazanxanalar üçün qazın qiyməti endirilib

Bakı/30.06.21/Turan: Tarif Şurası iyulun 1-dən təbii qazın yeni qiymətlərini müəyyənləşdirib. İl ərzində 1200 kubmetr qaz istehlak edən "əhali" kateqoriyasından olan abunəçilər üçün tarif əvvəlkitək kub metrə görə 10 qəpik olacaq.

Tarif Şurasının məlumatına görə, "əhali" kateqoriyasından olan istehlakçıların 51 faizi bu limitə uyğun gəlir. Qeyd olunan göstəricidən yuxarı üçün qiymət fərqli olacaq. Belə ki, istehlak edilən qazın 1200 - 2500 kubmetr (2500 kubmetr daxil) olan hissəsi üçün 1 kubmetr üçün 20 qəpik, 2500 kubmetrdən çox olan hissəsi üçün isə 25 qəpik müəyyənləşdirilib.

Əvvəllər 10 qəpik limit tarifi 2200 kubmetrə qədər olan həcmə şamil edilirdi.

Sənaye və kənd təsərrüfatı üçün təbii qazın tarifi cari səviyyədə - 20 qəpik olaraq qalır. Bununla yanaşı, elektrik stansiyalarına verilən qazın tarifi kubmetrə görə 12 qəpikdən 13 qəpiyə qədər artırılıb.

İqtisadçı ekspert Natiq Cəfərlinin sözlərinə görə, təbii qazın qiymətinin artırılması ölkə əhalisinin 65-70 faizinə şamil olunacaq.

“Bugünkü qərar əhalinin limitini 2200 kubmetrdən 1200 kubmetrə endirib. Bundan öncə əhali 2200 kubmetrə qədərə 10 qəpik ödəyirdi. Limiti 1200 kubmetrədək artırdıqdan sonra iki dəfə çox ödəmək lazım gələcək, 2500 kubmetrdən yuxarı üçün isə 25 qəpik ödəməli olacaq", - Cəfərli deyib.

2020-ci ildə abunəçilərin 21 faizi  limiti 2200 kubmetrə qaldırıblar. "İndi əminliklə demək olar ki, limiti aşanların sayı daha da çox olacaq", - o deyib.

Cəfərli qeyd edib ki, kommersiya müəssisələri üçün də müəyyən artım planlaşdırılır. Bu, həmin sahələrdə mal və xidmətlərin qiymətinin artmasına gətirib çıxaracaq.

Qeyd edək ki, vətəndaşlar üçün istilik xərclərinin optimallaşdırılması məqsədilə yaşayış binalarında qazanxanalar üçün qazın qiyməti 1 kubmetrə görə 20 qəpikdən 13 kubmetrə endirilib. -03/16B-