![Qeydiyyata alınmamış daşınmaz əmlak obyektlərinin qanuniləşdirilməsi sadələşir](https://turan.az/resized/media/2015/main/110200135053-750-500-resize.webp)
Qeydiyyata alınmamış daşınmaz əmlak obyektlərinin qanuniləşdirilməsi sadələşir
Prezidentin 31 oktyabr tarixli Fərmanı ilə “Daşınmaz əmlakın dövlət reyestri haqqında” Azərbaycan Respublikasının Qanunu qüvvəyə minənədək əldə edilmiş və yaranmış daşınmaz əmlak obyektləri üzərində hüquqların əldə edilməsini təsdiq edən sənədlərin Siyahısı”na dəyişikliklər edilib.
Dəyişikliyə əsasən, obyektlərin daşınmaz əmlakın dövlət reyestrinə daxil edilmsəi üçün sənədlərin siyahısı genişləndirilib. Söhbət Azərbaycan prezidentinin 2015-ci il 13 yanvar tarixli 439 nömrəli Fərmanı ilə təsdiq edilmiş “Daşınmaz əmlakın dövlət reyestri haqqında” Azərbaycan Respublikasının Qanunu qüvvəyə minənədək əldə edilmiş və yaranmış daşınmaz əmlak obyektlərindən gedir.
İndi müvəkkil orqandan başqa, tikintiyə icazə verən başqa orqanların qərarları da qanuni sayılır.
Sovxoz kollektivlərinin, onların bazasında dövlət kənd təsərrüfatı müəssisəsinin yığıncağının qərarı və ya onların rəhbərinin əmri də tanınır. Reyestrə daxil etmə yalnız sahənin tikintisi üçün ayrılan ərazini
təsdiq edən sənədlər əsasında verilir. Müəssisə, yaxud
dövlət arxivi tərəfindən verilən sənəd bunun üçün müvafiq sənəd kimi tanınır.
Müvəkkil dövlət orqanı hüquq sahibinin sorğusuna cavab 10 gün müddətində verməlidir.
Statistikaya əsasən, təkcə Bakıda 1 yanvar 2015-ci il üçün 400 min qeydiyyatsız şəxsi ev olub.
Qeydiyyatsız evlər məsələsinin tənzimlənməsi prosesi 2011-ci ilin yazında, prezident İlham Əliyev Bakı Şəhər İcra Hakimiyyətinə mübahisəli tikililərin qanuniləşdirmək mexanizmini yaratmaq tapşırığı verəndə başlayıb. 2012-ci ildə SOCAR, magistral boru kəmərləri və elektrik xəttləri ərazində yerləşənlərin qeydiyyatı probleminin həlli üzrə dövlət komissiyası yaradılır.
Nəhayət, 2015-ci ilin yanvar ayında qeydiyyatsız əmlakın reyestrə daxil edilməsini asamlaşdıran sənədlərin siyahısı təsdiqlənir. “Vahid pəncərə” prinsipi ilə daşınmaz əmlakın qeydiyyatı bu ilin oktyabrın 1-dən başlayıb.
Daşınmaz əmlakın qeydiyyatının sadələşdirilməsi onun icbari sığorta ilə əhatə edilməsi, həmçinin onun istismarı zamanı mülki məsuliyyətin icbari sığortasının tətbiqi zərurəti ilə diktə edilib.
Hazırda ölkədə daşınmaz əmlakın təxminən 30%-i icbari sığorta ilə əhatələnib. Bu isə sığorta sistemi və büdcə üçün əhəmiyyətli itkidir.
Həmçinin daşınmaz əmlakın sığortalanması həcminin azalması qeydə alınıb. İcbari Sığorta Bürosunun məlumatına görə, daşınmaz əmlakın icbari sığortası polisi bir ildə 38% azalıb.—0—
-
- İqtisadiyyat
- 2 Noyabr 2015 14:11
İqtisadiyyat
-
Azərbaycan Respublikası Dövlət Neft Fondu (ARDNF) 2024-cü ilin ikinci rübü üzrə fondun investisiya fəaliyyətinin yekunlarına əsasən, qızıla investisiyanın ötən illə müqayisədə 3,3% artdığını bildirib. Hazırda qızıla investisiyalar 8,57 milyard ABŞ dolları və ya ARDNF-nin dollar portfelinin 14,8%-ni təşkil edir.
-
Azərbaycanın rəqəmsal inkişaf və nəqliyyat naziri Rəşad Nəbiyev “X” sosial şəbəkəsində bildirib ki, Azərbaycana səfəri zamanı İsrailin regional əməkdaşlıq naziri David Amsalem ilə innovasiyalar kosmos və aviasiya sahəsində əməkdaşlıq məsələləri müzakirə olunub..
-
Ekspertlər xəbərdarlıq edir ki, neft gəlirlərinin azalması və artan inflyasiya təzyiqləri iqtisadi sabitliklə bağlı narahatlıqları artırdığından, Azərbaycan valyuta devalvasiyası gözləntilərinin artmasına hazırlaşır.
-
Azərbaycanın iqtisadiyyat naziri Mikayıl Cabbarovun rəhbərlik etdiyi nümayəndə heyəti İtaliyaya rəsmi səfəri çərçivəsində İtaliyanın əsas rəsmi şəxsləri ilə görüşüb, iki ölkə arasında güclü və çoxşaxəli tərəfdaşlıq əlaqələrini vurğulayıb.
Rəy yaz