Prezident İlham Əliyevin sədrliyilə Nazirlər Kabinetinin iclası çoxsaylı suallara cavab vermək əvəzinə yeni suallar yaratdı. İqtisadçı Qubad İbadoğlu belə hesab edir.
Turan məlumat verir ki, ekspert Facebook səhifəsində yazıb ki, iclasdakı çıxışlar ölkədəki makroiqtisadi vəziyyətə həsr olunmalı idi.
“Bunun əvəzinə sənaye və kənd təsərrüfatındakı müsbət artımı ifadə edən göstəricilər səsləndi. Cari ilin 9 ayının yekunu xarakterizə edən ümumi daxili məhsula (ÜDM) belə istinad olunmadı, onun tənəzzülündən danışılmadı, dollarla ifadə olunan nominal ÜDM-in nədən 2014-cü ildə qeydə alınan 75 milyarddan bu ilin sonuna 35 milyard dollara enməsinin hesabı belə sorulmadı. Qeyri-neft ÜDM-nin sürətlə enişinin fəsadları da dəyərləndirilmədi”, - Q.İbadoğlu yazıb.
İqtisadçı diqqəti o fakta yönəldir ki, müşavirədə nə baş nazir, nə iqtisadiyyat, maliyyə nazirləri çıxış etməyiblər, hətta son zamanlar imzalanan fərman və sərəncamları da təqdir etməyiblər.
“Görünür, onlar da bilirlər ki, sistemsiz və əlaqəsiz atılan addımlar səmərə vermir. Hətta Mərkəzi Bankın sədri manatdan da danişmadı ki, investorlar və istehlakçıların gözləntiləri doğrulsun, onlar suallarına cavab tapsınlar. Elə bil ki, elə manat belə də olmalıymış və bu anormal iqtisadi proses heç kimi narahat etmir”, - iqtisadçı yazır.
O qeyd edib ki, iclasda ancaq kənd təsərrüfatında ənənəvi təsərrüfatçılıq formalarının bərpasından, heyvandarlığın inkişafından və turistlərin ölkəyə cəlb edilməsindən danışılıb.
“Bir sözlə, əsas məsələ ölkəyə valyuta gətirmək və ölkədən valyuta getməsinə yol verməməkdir. Ancaq heç kəs demədi ki, bu, çıxış yolu deyil və tezliklə bu məqsədlərə nail olmaq mümkün deyil. Ölkənin gələcəyi bilik iqtisadiyyatına keçiddən, innovasiyayönlü məhsul istehsalının təşkilindən, yəni təhsilin, elmin inkişafından və texnologiyaların səmərəli tətbiqindən asılıdır. Ənənəvi təsərrüfatçılığın bərpası ilə biz irəli gedə bilmərik, ən yaxşı halda geriyə - ötən əsrin 60-80-ci illərinə qayıdarıq”, -Q.İbadoğlu bildirib. 71В
İqtisadiyyat
-
Dövlət Statistika Komitəsinin açıqladığı məlumatlara görə, Azərbaycanın kənd təsərrüfatı sektoru 2024-cü ilin ilk səkkiz ayında istehsal artımı əldə edib. Kənd təsərrüfatı istehsalının ümumi həcmi 8.723 milyard manata çatmışdır ki, bu da keçən ilin eyni dövrünə nisbətən 0.8% çoxdur. Lakin bu artım, daxili kənd təsərrüfatını dəstəkləmək məqsədilə verilən əhəmiyyətli dövlət subsidiyalarına baxmayaraq, artan qida idxalı fonunda baş verir.
-
Azərbaycan bu ilin ilk səkkiz ayında güclü fiskal göstəriciləri açıqlayaraq, ölkənin qlobal qeyri-müəyyənliklər fonunda iqtisadi dayanıqlılığını vurğulayan dövlət büdcəsində pifit əldə etdiyini bildirdi. Maliyyə Nazirliyinin yayımladığı əməliyyat məlumatlarına görə, 2024-cü ilin yanvar-avqust ayları arasında dövlət büdcəsinin gəlirləri 25 milyard 223.4 milyon manata çatmış, xərclər isə 22 milyard 362.4 milyon manat olmuşdur.
-
Azərbaycan enerji balansını müxtəlifləşdirmədə əhəmiyyətli irəliləyişlər əldə edib və ölkənin elektrik enerjisi istehsalında bərpa olunan mənbələr getdikcə daha vacib rol oynayır. Yanvar-avqust 2024 üçün əməliyyat məlumatları göstərir ki, ümumi elektrik enerjisi istehsalı 19,235.4 milyon kilovat-saatə (kWh) çatmışdır ki, bu da daha yaşıl enerjiyə aydın bir yönəlməni göstərir.
-
Baş nazirin müavini Şahin Mustafayev və Rusiyanın kənd təsərrüfatı naziri Oksana Lutun sentyabrın 13-də Bakıda keçirilən zirvə görüşü zamanı vurğuladığı kimi, Azərbaycan və Rusiya arasında ikitərəfli əlaqələr, xüsusilə kənd təsərrüfatı sahəsində sürətlə inkişaf edir.
Rəy yaz